Tani që dielli i pranverës ka filluar të lërë shenjat e para në fytyrë, janë të shumta trajtimet që ju rekomandohen gjatë kësaj periudhe.
Përveç kujdesit për përdorimin e vazhdueshëm të kremit mbrojtës, edhe një maskë trajtimi natyrale është e këshillueshme të përdoret të paktën një herë në javë.
Maskë me uthull molle dhe lëng qepe
Për shkak të përmbajtjes së lartë të aciditetit, uthulla dhe qepa japin rezultat të dukshëm në zbehjen e njollave të errëta në fytyrë.
Acidet që kanë në përmbajtje të dy këta përbërës veprojnë për të ndaluar oksidimin e lëkurës që çon në krijimin e njollave të errëta kafe, por në të njëjtën kohë edhe shpërndan melaninën në mënyrë të barabartë duke bërë që njollat e diellit të zhduken shpejt.
Përdorimi
Një lugë gjelle uthull molle përzieje me një lugë gjelle lëng qepe.
Aplikoje masën në fytyrë dhe lëre të veprojë për 30 minuta (jo më shumë, sepse aciditeti do ta thajë shumë lëkurën).
Pas kohës së rekomanduar, shpëlaje fytyrën me ujë të bollshëm.
