Sport

Konfirmohet revanshi i superduelit të boksit, ja kur mund të përballen Joshua dhe Klitschko

Autori: Gazeta inFokus 15:59 | 08 May 2017

Edhe pse disa pretendentë për titull kampioni në boks i kanë kërkuar duel Anthony Joshua pas fitores së bujshme kundër Waldimir Klitschko, promotori i boksierit anglez ka konfirmuar se superdueli i Wembely’t do të përsëritet.

“Ishte një ndër luftërat më të mira që kam parë ndonjëherë, çdokush dëshiron ta shoh këtë përballje sërish. Atëherë pse jo? Ky është dueli i ardhshëm që e dëshiroj”, ka thënë promotori Eddie Hearn.

Tre kandidatë tjerë të mundshëm të Joshua janë: Deontay Wilder – kampion i versionit WBC, Joseph Parker – kampion i versionit WBO dhe Tyson Fury që e kishte mposhtur Klitschkon në vitin 2015 por e humbi licencën e boksierit pak kohë më vonë për shkak të përdorimit të substancave narkotike.

-Advertisement-

Edhe me kontratën për duelin e 29 prillit, Klitschko e mbante të drejtën për një revansh në rast të humbjes.

“Mendimi im është se ai do të kërkojë revanshin”, ka thënë Hearn.

Ndërkaq kandidatët boksierët e tjerë duhet të presin deri në prill të vitit të ardhshëm.

Përballja e dytë Joshua – Klitschko pritet të zhvillohet në fund të muajit tetor ose në fillim të nëntorit.