Lajme

Inflacioni në Kosovë arrin në 7.1%, ja çfarë u shtrenjtua në tetor

Autori: Gazeta inFokus 14:02 | 10 November 2026

Inflacioni vjetor në Kosovë ka arritur në 7,1% gjatë tetorit 2026, ndërsa transporti ka shënuar rritjen më të madhe të çmimeve.

Sipas të dhënave të publikuara të martën nga Agjencia e Statistikave të Kosovës (ASK), çmimet e konsumit në tetor janë rritur për 7,1% krahasuar me periudhën e njëjtë të vitit të kaluar.

Megjithatë, në krahasim me shtatorin 2026, inflacioni mujor ka qenë 0,0%, që nënkupton se niveli i përgjithshëm i çmimeve ka mbetur i pandryshuar.

-Advertisement-

Rritja më e madhe vjetore është regjistruar në sektorin e transportit, ku çmimet janë ngritur për 21,5%. Pas tij renditen strehimi, uji, energjia elektrike, gazi dhe lëndët e tjera djegëse me 9,7%.

Sipas ASK-së, shtrenjtim është regjistruar edhe te pijet alkoolike, duhani dhe narkotikët me 5%, restorantet dhe shërbimet e akomodimit me 4,5%, si dhe kujdesi personal dhe shërbimet e ndryshme me 3,7%.

Ushqimet dhe pijet joalkoolike, që përbëjnë një pjesë të konsiderueshme të shpenzimeve të familjeve, janë shtrenjtuar për 3,2% në krahasim me tetorin e vitit 2025.

Ndërkohë, çmimet në shëndetësi dhe te mobiljet e pajisjet shtëpiake janë rritur për 2,9%, ndërsa veshjet dhe këpucët për 2,3%.

Në anën tjetër, ulje vjetore e çmimeve prej 0,3% është regjistruar vetëm te shërbimet arsimore.

Sa u përket ndryshimeve mujore, ASK-ja ka evidentuar rritje të çmimeve të strehimit, ujit dhe energjisë për 1,7%, ndërsa ushqimet dhe pijet joalkoolike janë shtrenjtuar për 1,1%.

Gjatë tetorit, transporti ka shënuar ulje mujore të çmimeve për 2,2%, kurse rekreacioni, sporti dhe kultura për 1,4%.

Ndryshe, inflacioni në shtator kishte arritur 7.8 për qind

https://kosovapress.com/_next/image?url=https%3A%2F%2Feditor.kosovapress.com%2Fapi%2Fmedia%2Fimages%2F2026%2F11%2Fd13bd71a-2acd-4796-a3ed-6a9d46413063.jpg&w=1080&q=75

Udhëto Oslo – Prishtinë çdo javë me PrishtinaTickets
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy