Lajme

“11 vjet pa drejtësi për motrën time”, Shkëlqim Pajazitaj reagon ndaj emërimit të Valbona Disha Haxhosajt në krye të Prokurorisë

Autori: Gazeta inFokus 20:50 | 29 October 2026

Shkëlqim Pajazitaj, vëllai i Donjeta Pajazitajt, ka reaguar pas emërimit të Valbona Disha Haxhosajt në krye të Prokurorisë, duke shprehur pakënaqësinë dhe mosbesimin e tij ndaj sistemit të drejtësisë.

Përmes një reagimi publik, Pajazitaj ka rikujtuar se rasti i motrës së tij, Donjetës, edhe pas 11 vjetësh nuk ka marrë një epilog përfundimtar.

“Në vend që të bëhet thirrje për drejtësi, ky vendim po e thellon edhe më shumë mosbesimin tim ndaj sistemit të drejtësisë!”, ka shkruar ai.

-Advertisement-

Ai ka ngritur pikëpyetje për emërimin e Disha Haxhosajt, duke kërkuar përgjigje për zvarritjen e rastit të motrës së tij.

“Si është e mundur që Valbona Disha Haxhosaj të emërohet në krye të prokurorisë, ndërsa rasti i motrës sime, Donjeta Pajazitaj, edhe pas 11 vjetësh ende nuk ka marrë një epilog përfundimtar?”, ka pyetur Pajazitaj.

Ai ka kërkuar gjithashtu të dihet se kush do të mbajë përgjegjësi për mënyrën se si është trajtuar rasti ndër vite.

“Kush do të japë përgjigje për këto vite pritjeje? Kush do të mbajë përgjegjësi për mënyrën se si është trajtuar rasti i Donjetës?”, ka shtuar ai.

Në fund, Pajazitaj ka kërkuar transparencë, llogaridhënie dhe sqarime konkrete nga institucionet përgjegjëse.

“Familja ime ka të drejtë të dijë se çfarë ka ndodhur me rastin e motrës sime”, ka përfunduar

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy