Lajme

Pjesëmarrje masive edhe në ditën e dytë të protestës ku po kërkohet drejtësi për Arlinda Zekajn

Autori: Gazeta inFokus 16:46 | 29 October 2026

Qindra qytetarë janë mbledhur edhe sot në Prishtinë, në ditën e dytë të protestës për të kërkuar drejtësi për Arlinda Zekajn, e cila u vra në Pejë, pavarësisht se kishte kërkuar mbrojtje nga institucionet.

Me thirrje për drejtësi dhe përgjegjësi institucionale, protestuesit kanë marshuar nëpër rrugët e kryeqytetit, duke kërkuar që të gjithë ata që dështuan ta mbronin Arlindën të japin llogari.

Protestuesit kanë arritur edhe para Ministrisë së Drejtësisë, ku kanë brohoritur “Dorëheqje, dorëheqje”, duke shprehur pakënaqësinë e tyre me reagimin e institucioneve ndaj rastit.

-Advertisement-

Vrasja e Arlinda Zekajt ka nxitur reagime të shumta në vend, veçanërisht pas publikimit të kërkesës së saj për mbrojtje urgjente, vetëm pak ditë para se të vritej.

Qytetarët po kërkojnë jo vetëm drejtësi për Arlindën, por edhe masa konkrete për parandalimin e rasteve të tjera të dhunës dhe vrasjeve të grave në Kosovë.

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy