Lajme

Tragjedi në Itali: Makina përplas motorin, humb jetën 33-vjeçari shqiptar

Autori: Gazeta inFokus 20:38 | 05 August 2026

Një 33-vjeçar shqiptar ka humbur jetën pas një aksidenti të rëndë rrugor me motor, që ndodhi mbrëmjen e së martës, në provincën e Pistoias, në Itali.

Viktima është Maksim Sinani, i cili nuk arriti t’u mbijetojë plagëve të rënda dhe vdiq gjatë natës në spital.

Sipas mediave italiane, Sinani po udhëtonte me motorin e tij në drejtim të Pistoias, së bashku me një grup motoristësh, kur u përplas ballë për ballë me një veturë që po vinte nga drejtimi i kundërt.

-Advertisement-

Përplasja ishte jashtëzakonisht e fortë dhe si pasojë e goditjes, 33-vjeçari u hodh rreth 50 metra larg vendit të aksidentit.

Ai pësoi dëmtime të shumta në trup dhe plagë të rënda në njërën këmbë, ndërsa motori i tij u shkatërrua plotësisht.

Shërbimet e emergjencës mbërritën menjëherë në vendngjarje. Gjatë ndërhyrjes së mjekëve, Maksim Sinani ishte ende i vetëdijshëm.

Ai u dërgua fillimisht me urgjencë në spitalin San Jacopo në Pistoia, ku u stabilizua dhe u intubua.

Më pas, rreth orës 23:00, ai u dërgua me helikopter në Qendrën e Traumës në Careggi për trajtim të specializuar.

Megjithatë, gjendja e tij u përkeqësua gjatë natës dhe, pavarësisht përpjekjeve të mjekëve, ai vdiq si pasojë e plagëve të marra.

Autoritetet italiane kanë nisur hetimet për të zbardhur rrethanat e plota të aksidentit./TCh

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy