Lajme

MINTI nis kontrolle intensive për përbërjen dhe etiketimin e qumështit dhe produkteve të qumështit

Autori: Gazeta inFokus 20:24 | 05 August 2026

Ministrja në detyrë e Ministrisë së Industrisë, Ndërmarrësisë, Tregtisë dhe Inovacionit, Mimoza Kusari-Lila, njoftoi se nga 6 gushti 2026 do të fillojnë kontrollet intensive për përbërjen dhe etiketimin e qumështit dhe produkteve të qumështit.

Ministria e Industrisë, Ndërmarrësisë, Tregtisë dhe Inovacionit, bazuar në gjetjet e përcjella nga Agjencia e Ushqimit dhe Veterinarisë, njofton se përdorimi i qumështit pluhur, vajit të palmës apo përbërësve të tjerë pa u deklaruar në etiketë, ose deklarimi i pasaktë i përbërjes së produkteve, përbën shkelje të legjislacionit në fuqi dhe mashtrim të konsumatorit.

“Asnjë operator ekonomik nuk do të lejohet të përfitojë në kurriz të qytetarëve duke fshehur përbërjen reale të produkteve ose duke i paraqitur ato ndryshe nga çfarë janë në të vërtetë. Mbrojtja e konsumatorit është detyrim ligjor dhe prioritet institucional”, thuhet në njoftim.

-Advertisement-

Duke filluar nga 6 gushti 2026, Inspektorati Qendror i Mbikëqyrjes së Tregut, në bashkërendim me AUV-në, do të zhvillojë kontrolle intensive në të gjitha hallkat e zinxhirit të furnizimit dhe tregtimit, duke përfshirë prodhuesit, importuesit, distributorët, depot, shitësit me shumicë dhe pikat e shitjes me pakicë.

Njoftimi i plotë:

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy