Lajme

Buldozerët rrënojnë motelin “Jezero” në zonën e Ujmanit

Autori: Gazeta inFokus 11:39 | 30 July 2026

Inspektorati i Ministrisë së Mjedisit, Planifikimit Hapësinor dhe Infrastrukturës, me mbështetjen e Policisë së Kosovës, ka vazhduar aksionin për largimin e objekteve të ndërtuara në pronë publike përgjatë liqenit të Ujmanit.

Gjatë aksionit ka nisur edhe rrënimi i motelit “Jezero”, ndërsa punonjësit e ndërmarrjes publike “Ibër-Lepenci”, të asistuar nga Policia e Kosovës, fillimisht kanë rrethuar objektin me shirita sigurie për të mundësuar zhvillimin e operacionit.

Zëvendësdrejtori i Policisë së Kosovës për rajonin e veriut, Veton Elshani, ka konfirmuar se policia po ofron asistencë në këtë aksion, i cili po realizohet në bashkëpunim me institucionet përgjegjëse.

-Advertisement-

Sipas ndërmarrjes publike “Ibër-Lepenci”, prona ku ndodhet moteli i takon kësaj kompanie dhe objekti është uzurpuar. Aksioni po zhvillohet në kuadër të mbrojtjes së pronës publike përgjatë liqenit të Ujmanit.

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy