Rama, flet për herë të parë për njohjen me Kushner dhe Ivanka Trump
Autori: Gazeta inFokus
13:48 | 29 July 2026
Kryeministri Edi Rama ka rrëfyer për herë të parë detaje nga njohja me Jared Kushner dhe Ivanka Trump, si dhe nisjen e interesimit për investime në zonat e Sazanit dhe Zvërnecit.
Në një intervistë për rrjetin britanik Channel 4, Rama u kthye pas te viti 2020, kur u njoh me çiftin gjatë një ndalese në Shqipëri dhe më pas diskutimeve për mundësi investimi në vend.
Sipas kryeministrit, takimi i parë nuk kishte lidhje me projekte konkrete, por më vonë, gjatë Forumit Ekonomik të Davosit, Kushner shprehu interes për mundësitë që ofronte Shqipëria.
“U njoha me Jared dhe Ivanka. Nuk e di nëse kishin dëgjuar më parë për Shqipërinë, por nuk ishin të interesuar për asgjë në termat e interesit direkt. Më vonë, në Davos, Kushner shprehu interes për mundësitë për të investuar në Shqipëri. Dhe sigurisht që i thashë po. Si do t’i thoja jo?”-tha Kryeministri.
Rama bëri të ditur se aktualisht nuk ka ende një projekt përfundimtar për Sazanin apo Zvërnecin, ndërsa materialet e publikuara më herët në internet kanë qenë vetëm një paraqitje fillestare e idesë.
“Çfarë u hodh në Instagram ishte thjesht një klip. Projekti ka evoluar. Procesi ka evoluar. Tani janë përfshirë arkitektë dhe dizajnerë peizazhesh, ndërsa po bëjmë edhe vlerësimin e pavarur të ndikimit mjedisor.”-shtoi Rama në intervistë.
Kryeministri u shpreh se synimi është që zhvillimi i këtyre zonave të bëhet në përputhje me standardet europiane dhe pa dëmtuar mjedisin.
“Qëllimi është të rigjenerojë atë, jo të brutalizojë një vend të bukur.”-u shpreh ai.
Lidhur me shqetësimet e ngritura nga Komisioni Europian dhe protestat kundër projektit, Rama tha se procesi duhet të respektojë direktivat e Bashkimit Europian, duke e konsideruar debatin publik si pjesë të një shoqërie demokratike.
“Është mirë që Komisioni Europian është i shqetësuar. Ideja që ne do të shkojmë në një drejtim që bie ndesh me direktivat e BE-së është absurde.”-tha më tej.
Në intervistë, Rama foli edhe për protestën e zhvilluar kundër projektit, duke e lidhur reagimin qytetar me rritjen e pritshmërive të shoqërisë shqiptare.
“Kam reflektuar shumë për këtë protestë. Njerëzit nuk dalin në rrugë vetëm për faktet, por edhe për pritshmëritë e tyre.”-u shpreh Kryeministri për protestën.
Projekti për Sazanin dhe Zvërnecin vijon të jetë në fazën e vlerësimeve dhe diskutimeve, ndërsa qeveria pritet të ndjekë procedurat për miratimet e nevojshme./Oranews

T� tjera
-
Ymeri-Kurtit: Je me mentalitet të vjetër, ki me ra shumë shpejt
Deputetja e LDK-së, Janina Ymeri, i është drejtuar kryeministrit Albin Kurti ...
-
Kuvendi mbetet në terr, ndërpritet seanca ku po diskutohej për buxhetin
Ndërprerja e energjisë elektrike ka lënë në terr sallën e Kuvendit të Kosovës...
-
Godet era e fortë, bien dritaret nga ndërtesa, dëmtohet një veturë
Në Matiqan të Prishtinës sonte nga një ndërtese kanë rënë dritaret dhe e kanë...
-
Aksident tragjik në rrugën Prishtinë-Podujevë, humb jetën një person me aftësi të kufizuara
Një aksident trafiku me fatalitet ka ndodhur në fshatin Penuhë të Podujevës, ...
-
Kuvendi në orar të zgjatur, deputetët ende në sallë plenare
Ndonëse ora ka kaluar 22:20, deputetët e Kuvendit të Kosovës ende nuk po i ja...
-
“Telekomi zyrë punësimi për familjarët e pushtetit”, Krasniqi akuzon pushtetin për nepotizëm
Rrezarta Krasniqi ka ngritur akuza për punësime dhe përfitime të familjarëve ...
-
Bajrami – Kurtit: Qe gjashtë vjet në pushtet, ka mbetë tu folë për të kalumen
Pas përplasjes në Kuvend mes kryeministrit Albin Kurti dhe deputetes së LDK-s...
-
Shiroka Pula në Forumin Ndërkombëtar të Strategjisë 2026: Të rinjtë e Kosovës janë të angazhuar në teknologji dhe informacion, njohin disa gjuhë të huaja
Presidentja e Republikës së Kosovës, Justina Shiroka Pula, takoi delegacionin...
-
Kurti e pranon se qytetarët po largohen nga vendi, gjendjen në arsim dhe drejtësinë i rendit si arsye kryesore
Kryeministri i Kosovës, Albin Kurti, ka folur në Kuvendin e Kosovës për migri...
-
Komandanti i Forcave Tokësore të FSK-së zhvillon takim me homologun nga Shqipëria
Komandanti i Forcës Tokësore të Forcës së Sigurisë së Kosovës, Gjeneral Briga...
-
Iu ndal fjala në Kuvend – Rrahmani i përgjigjet Kurtit
Deputeti i Partisë Demokratike të Kosovës, Eman Rrahmani, në emisionin “DPT t...
-
Hamza për buxhetin: Nuk garanton as mirëmbajtjen
Deputeti i Partisë Demokratike të Kosovës, Bedri Hamza, ka kritikuar projektb...



































