Lajme

Vdekja e punëtorit, Rama: Siguria në punë duhet të jetë prioritet i panegociueshëm dhe standard që respektohet në çdo vendpunishte

Autori: Gazeta inFokus 19:34 | 28 July 2026

Kryetari i Prishtinës, Përparim Rama, njofton se me pikëllim të thellë ka pranuar lajmin për humbjen tragjike të jetës së një punëtori në aksidentin e sotëm në një vendpunishte ndërtimore në rrugën “Holger Petersen”.“Në emrin tim dhe të Kryeqytetit, i shpreh ngushëllimet më të sinqerta familjes, ndërsa të lënduarit i uroj shërim sa më të shpejtë”, thekson Rama.

Lidhur me rastin, ai shkruan:Falënderoj Brigadën Profesionale të Zjarrfikjes dhe Shpëtimit, Policinë e Kosovës, ekipet e Urgjencës Mjekësore, Njësinë për Reagim të Shpejtë dhe Siguri, si dhe Drejtorinë për Siguri dhe Emergjenca për reagimin e menjëhershëm dhe profesionalizmin e treguar në këtë ndërhyrje të vështirë.

Rrethanat e aksidentit po hetohen nga organet kompetente. Çështjet që kanë të bëjnë me respektimin e standardeve të sigurisë dhe mbrojtjes në punë janë në kompetencë të Inspektoratit të Punës dhe institucioneve përgjegjëse, të cilat presim ta zbardhin plotësisht këtë rast.Humbja e një jete në vendin e punës është një tragjedi që duhet të na rikujtojë të gjithëve se siguria në punë duhet të jetë prioritet i panegociueshëm dhe standard që respektohet në çdo vendpunishte.

-Advertisement-

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy