Çka pritet të ndodhë më 6 gusht, në seancën konstituive të Kuvendit?
Autori: Gazeta inFokus
17:29 | 27 July 2026
Vullnet Bugaqku, KDI, ka theksuar se seanca konstituive e Kuvendit, e caktuar për të enjten, më 6 gusht, duhet të zhvillohet në përputhje me procedurat e përcaktuara në Rregulloren e Punës së Kuvendit.
Sipas Bugaqkut, jo më vonë se pesë ditë para mbajtjes së seancës konstituive duhet të zhvillohet një takim ndërmjet kryetarit të legjislaturës së kaluar dhe kryetarëve ose përfaqësuesve të subjekteve politike që kanë fituar ulëse në Kuvend.
“Jo më vonë se pesë ditë para mbajtjes së seancës konstituive, duhet të mbahet një takim ndërmjet kryetarit/es së legjislaturës së kaluar dhe kryetarëve apo përfaqësuesve të subjekteve politike që kanë fituar ulëse në Kuvendin e Kosovës. Në këtë takim përgatitet rendi i ditës që do të procedohet në seancën konstituive”, thotë ai.
Ai ka bërë të ditur se, bazuar në Rregulloren e Punës së Kuvendit, rendi i ditës për seancën e 6 gushtit duhet të përfshijë formimin e Komisionit të Përkohshëm për Verifikimin e Kuorumit dhe Mandateve të Deputetëve, betimin e deputetëve, zgjedhjen e kryetarit të Kuvendit dhe zgjedhjen e nënkryetarëve.
Bugaqku ka theksuar se vetëm nëse të gjitha këto pika përmbyllen me sukses gjatë asaj dite, Kuvendi mund të konsiderohet i konstituuar.
“Andaj, bazuar në Rregulloren e Punës së Kuvendit të Kosovës, rendi i ditës për seancën konstituive të 6 gushtit duhet të përmbajë këto pika:
Formimin e Komisionit të Përkohshëm për Verifikimin e Kuorumit dhe Mandateve të Deputetëve;
Betimin e deputetëve;
Zgjedhjen e kryetarit të Kuvendit;
Zgjedhjen e nënkryetarëve të Kuvendit.
Nëse të gjitha këto pika përfundojnë me sukses në këtë ditë, atëherë konsiderohet se Kuvendi është konstituuar”, shtoi ai.
“Pra, në seancën e 6 gushtit pres që të respektohet dhe zbatohet rendi i ditës, i cili tashmë është i përcaktuar me Rregulloren e Punës së Kuvendit. Përndryshe, siç dihet, seancën konstituive e udhëheq deputeti më i vjetër në moshë, i ndihmuar nga deputeti më i ri në moshë”, përfundon Bugaqku për GazetaBlic.
Kujtojmë se, Ushtruesja e detyrës së presidentit, Albulena Haxhiu, ka vendosur që seanca konstituive e Kuvendit të ri të dalë nga zgjedhjet e qershorit të mbahet më 6 gusht, duke nisur nga ora 10:00.

T� tjera
-
Sot u jepet lamtumira e fundit dy të rinjve nga Rahoveci që humbën jetën në Gjermani
Dy të rinjve nga Rahoveci, Leart Morina dhe Berhan Zeka, të cilët humbën jetë...
-
Rasti i Arlinda Zekajt, Komisioni Hetimor interviston sot 3 zyrtarë institucionalë
Komisioni Hetimor Parlamentar për veprimet dhe mosveprimet institucionale lid...
-
Kuvendi miratoi në parim buxhetin prej 4.27 miliardë eurosh për vitin 2027
Kuvendi i Kosovës ka miratuar në parim Projektbuxhetin për vitin 2027, në vle...
-
Alarm për dronë në aeroportin e Xhenovas në Itali, mbyllet për dy orë
Një alarm për dron u lëshua në Aeroportin e Xhenovës mbrëmjen e djeshme, duke...
-
Erërat e forta përfshinë Kosovën mbrëmë, këto janë komunat më të prekura nga dëmet dhe ndërprerjet e rrymës
Erërat e fuqishme që përfshinë Kosovën gjatë mbrëmjes së së enjtes shkaktuan ...
-
Ymeri-Kurtit: Je me mentalitet të vjetër, ki me ra shumë shpejt
Deputetja e LDK-së, Janina Ymeri, i është drejtuar kryeministrit Albin Kurti ...
-
Kuvendi mbetet në terr, ndërpritet seanca ku po diskutohej për buxhetin
Ndërprerja e energjisë elektrike ka lënë në terr sallën e Kuvendit të Kosovës...
-
Godet era e fortë, bien dritaret nga ndërtesa, dëmtohet një veturë
Në Matiqan të Prishtinës sonte nga një ndërtese kanë rënë dritaret dhe e kanë...
-
Aksident tragjik në rrugën Prishtinë-Podujevë, humb jetën një person me aftësi të kufizuara
Një aksident trafiku me fatalitet ka ndodhur në fshatin Penuhë të Podujevës, ...
-
Kuvendi në orar të zgjatur, deputetët ende në sallë plenare
Ndonëse ora ka kaluar 22:20, deputetët e Kuvendit të Kosovës ende nuk po i ja...
-
“Telekomi zyrë punësimi për familjarët e pushtetit”, Krasniqi akuzon pushtetin për nepotizëm
Rrezarta Krasniqi ka ngritur akuza për punësime dhe përfitime të familjarëve ...
-
Bajrami – Kurtit: Qe gjashtë vjet në pushtet, ka mbetë tu folë për të kalumen
Pas përplasjes në Kuvend mes kryeministrit Albin Kurti dhe deputetes së LDK-s...


































