Lajme

Haddad për KiE-në: Franca do ta mbështesë Kosovën drejt anëtarësimit

Autori: Gazeta inFokus 10:21 | 27 July 2026

Ministri i Deleguar për Evropën i Republikës së Francës, Benjamin Haddad, në konferencën për media pas takimit me ministrin e Jashtëm në detyrë, Glauk Konjufca, ritheksoi mbështetjen e vazhdueshme të Francës për Kosovën dhe theksoi rëndësinë e forcimit të marrëdhënieve dypalëshe.

Para mediave, Haddad u shpreh i lumtur që ndodhet në Kosovë, duke e cilësuar vizitën si dëshmi të miqësisë së kahershme mes dy vendeve.

“Kam kënaqësinë që jam sot në Prishtinë si mik personal i Kosovës dhe si përfaqësues i presidentit Emmanuel Macron. Përtej miqësisë sonë, marrëdhëniet mes Francës dhe Kosovës janë të kahershme. Mbështetja jonë ka qenë gjithmonë e qëndrueshme dhe unë e konsideroj veten mik të Kosovës prej shumë vitesh”, tha Haddad, raporton Klankosova.tv.

-Advertisement-

Ai theksoi se kjo vizitë synon t’i japë një shtysë të re bashkëpunimit mes Francës dhe Kosovës, duke hapur mundësi për thellimin e marrëdhënieve në fusha të ndryshme.

“Jemi të gatshëm që të përkrahim financiarisht Kosovën edhe në fusha të tjerë”.

Haddad foli edhe për aspiratat ndërkombëtare të Kosovës, duke nënvizuar se çështja e anëtarësimit në Këshillin e Evropës ishte pjesë e diskutimeve me zyrtarët kosovarë.

“Gjithashtu edhe anëtarësimi i Kosovës në Këshillin e Evropës, kemi diskutuar edhe mbi këtë. Do të punojmë së bashku që Kosova të anëtarësohet sa më shpejt”, deklaroi ai.

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy