NRG Band, Pintat dhe Nita Latifi ndezin Batllavën -“Kayak Fest 2026” sjell tri ditë aventurë, sport dhe muzikë
Autori: Gazeta inFokus
14:42 | 17 July 2026
Një kombinim i sportit, aventurës, muzikës dhe natyrës do të bashkojë qytetarë nga e gjithë Kosova në edicionin e radhës të “Kayak Fest 2026”, i cili do të mbahet në Liqenin e Batllavës.
Organizatori i festivalit, Shkrep Balidemaj, ka bërë të ditur se ky edicion nuk do të jetë vetëm një garë sportive, por një thirrje për t’iu kthyer natyrës dhe për të promovuar bukuritë e Kosovës.
“Ky edicion nuk është thjesht një garë, por një mundësi për t’u kthyer te natyra dhe për të promovuar bukuritë e vendit tonë. Këtë vit kemi rritur kapacitetet dhe kemi pasuruar programin, në mënyrë që çdo vizitor, nga fëmijët deri te të moshuarit”, ka deklaruar Balidemaj.
Sipas Balidemaj, misioni kryesor i “Kayak Fest 2026” është promovimi i sportit të kajakut, turizmit të aventurës dhe një mënyre aktive të jetesës në Kosovë.
Një nga aktivitetet kryesore të festivalit do të jetë zona “Kajak i Lirë”, ku të gjithë të interesuarit do të kenë mundësi të provojnë kajakun pa pagesë, duke përfshirë pajisjet dhe jelekët mbrojtës. Përveç kajakëve, vizitorët do të kenë mundësi të argëtohen edhe me aktivitete të tjera ujore, si Aqua Park, Tranbolin dhe GoCart.
Për adhuruesit e natyrës, festivali do të ofrojë edhe mundësi kampingu me marrje të tendave me qira. Organizatorët bëjnë të ditur se për ata që zgjedhin të qëndrojnë në kamp, përvoja do të vazhdojë edhe pas përfundimit të koncerteve, me muzikë akustike dhe atmosferë komunitare larg zhurmës urbane.
Në kuadër të festivalit do të ketë edhe aktivitete për mirëqenie dhe relaks, përfshirë yoga në perëndim të diellit, CrossFit, Ping Pong dhe zona të dedikuara për pushim.
Një tjetër pjesë e rëndësishme do të jetë promovimi i produkteve vendore përmes tregut dhe këndit ushqimor me produkte organike nga fermerët lokalë.
Risi e këtij edicioni do të jetë gara “Dardan’s Challenge”, një sfidë e veçantë që do të përfshijë not, vrapim, bartje kajaku, kajakim dhe sfida të tjera fizike. Të gjithë pjesëmarrësit do të shpërblehen me medalje, ndërsa tre garuesit më të mirë do të marrin edhe shpërblime monetare.
Organizatorët kanë menduar edhe për sigurinë e pjesëmarrësve, duke paraparë hyrje të kontrolluar me bileta, ekipin e kërkim-shpëtimit në ujë, sigurim fizik 24/7, prezencë të policisë në tokë dhe autoambulancë gjatë gjithë festivalit.
Për pjesën muzikore, deri tani janë konfirmuar performancat e NRG Band, Pintat, Nita Latifi dhe DJ të ndryshëm, ndërsa organizatorët pritet të publikojnë edhe emra të tjerë në ditët në vijim.
“Kayak Fest 2026” synon të shndërrohet në një nga ngjarjet më të mëdha të turizmit aventuror në Kosovë, duke sjellë në Batllavë sport, argëtim dhe një mënyrë të re për ta përjetuar natyrën.

T� tjera
-
Parashikimi i motit për të shtunën
Të shtunën parashikohet që gjatë orëve të para të 24-orëshit të arrijë një si...
-
Konsulli i Kosovës në Toronto, Kadri Dakaj, takohet me kryetaren e Bashkisë së Torontos, diskutojnë për bashkëpunim dhe komunitetin shqiptaro-kosovar
Konsulli i Përgjithshëm i Republikës së Kosovës në Toronto, Kadri Dakaj, ësht...
-
Daut Haradinaj për Jakup Krasniqin: S’di çka të them, e kisha nda një pjesë të jetës me të zëvendësu ty…
Daut Haradinaj nga Aleanca, ka reaguar lidhur me vizitën e Jakup Krasniqit në...
-
Uji tejkalon standardet e lejuara, ndalohet përdorimi për pije në dy zona të Gjakovës
Kompania Rajonale e Ujësjellësit “Gjakova” ka njoftuar se uji në zonat e furn...
-
Jakup Krasniqi nesër përfundon vizitën në Kosovë, raportohet se në orën 15:00 niset për në Hagë
Ish-kryekuvendari, Jakup Krasniqi, pritet të largohet nga Kosova, të shtunën ...
-
Policia e Shqipërisë jep detaje mbi alarmin për bo*mbë në avion
Policia e Shqipërisë ka reaguar pas raportimeve se në avionin Manchester – Ti...
-
Panik në fluturimin Manchester-Tiranë, alarm për bom*bë në avion, pasagjerët gjejnë shënimin
Një situatë tensioni kanë përjetuar sot pasagjerët e një avioni të Ryanair, q...
-
Maqedonci vlerëson pjesëmarrjen e FSK-së në ushtrimin “Golden Sabre”
Forca e Sigurisë së Kosovës (FSK) ka marrë pjesë në ushtrimin fushor “Golden ...
-
Sveçla njofton për aksionin në Mitrovicë, sekuestrohen kok*ainë, telefona dhe mbi 1 mijë euro
Ministri i Punëve të Brendshme, Xhelal Sveçla, ka bërë të ditur se Policia e ...
-
Shiroka-Pula: Filantropia dhe shërbimi ndaj të tjerëve janë vlera që forcojnë shoqërinë
Presidentja e Republikës së Kosovës, Justina Shiroka Pula, mori pjesë në Sami...
-
Ardian Gjini publikon shifrat e BQK-së: Çmimet dhe borxhet e qytetarëve janë rritur në mënyrë ekstreme, si po ia dalin familjet kosovare?
Kryetari i Aleancës, Ardian Gjini, ka ngritur shqetësimin për rritjen e ndjes...
-
Reagimet se i kanë ndarë vetëm 1.5 milionë për to, Pacolli: Mandat i digave, janë në proces, ndërtimet fillojnë më 2027 -28
Fitore Pacolli, ministre e Mjedisit dhe Planifikimit Hapësinor, përmes një po...


































