Mërgimtari pranon fajësinë për kanosjen e Xhelal Sveçlës, Gjykata ia refuzon: Vazhdohet me shqyrtim të rregullt të çështjes
Autori: Gazeta inFokus
16:08 | 16 July 2026
Në Gjykatën Themelore në Prishtinë në seancën fillestare të enjten, i akuzuari Remzi Hajzeraj ka pranuar fajësinë për akuzën se ka kanosur përmes rrjeteve sociale ministrin në detyrë të Punëve të Brendshme, Xhelal Sveçla. Por, Gjykata refuzoi pranimin e fajësisë, me arsyetimin se nuk është në përputhje me dispozitat ligjore.
Pas leximit të aktakuzës nga prokurori Avni Namani, i akuzuari Hajzeraj deklaroi se e pranon fajësinë dhe shprehu keqardhje për veprimet e tij, raporton “Betimi për Drejtësi“.
“Zoti gjyqtar, unë e pranoj fajësinë edhe kërkoj falje”, deklaroi i akuzuari Remzi Hajzeraj.
Mbrojtësja e të akuzuarit, avokatja Kosovare Kelmendi e mbështeti pranimin e fajesisë nga i akuzuari Hajzeraj, duke deklaruar se është e bindur që klienti i saj me keqardhje dhe pendesë e pranon veprën penale për të cilën akuzohet.
Edhe prokurori Namani u pajtua me pranimin e fajësisë, duke thenë se është bërë me vullnet të plotë dhe se aktakuza është ngritur mbi bazën e fakteve dhe provave me të cilat vërtetohet se i pandehuri ka kryer veprën.
Mirëpo, gjykatësi i rastit, Driton Berisha momri vendim me të cilin refuzoi pranimin e fajësisë nga i akuzuari, me arsyetimin se nuk është bërë në përputhje me dispozitat ligjore.
“Refuzohet pranimi i fajësisë nga ana e të akuzuarit, meqenëse Gjykata vlerëson se ky pranim i fajësisë nuk është në përputhje me dispozitat ligjore, në veçanti sa i përket mbështetjes me prova të cilat janë bashkëngjitur kësaj aktakuze dhe se është e nevojshme që të vazhdohet me shqyrtim të rregullt të kësaj çështjeje penale”, tha Berisha.
Gjyqtari njoftoi mbrojtjen se në afat prej 30 ditësh ka mundësi me paraqesë kërkesë për hudhje të akuzës dhe kundërshtimin e provave.
Në anën tjetër, avokatja Kelmendi deklaroi se e shfrytëzon të drejtën ligjore që të heq dorë nga ushtrimi i kërkesës për hudhjen e aktakuzës dhe kundërshtimin e provave, me qëllim që të kalohet direkt në fazat e tjera.
Avokatja i propozoi gjykatësit të rastit që klientit të saj t’i ndërpritet masa e arrestit shtëpiak, duke shtuar se ai ka treguar respektim të plotë të masës dhe ka adresë të rregullt banimi në Pejë, ndërsa pasaporta e tij mund të mbetet e konfiskuar si garanci.
Lidhur me propozimin për ndryshimin e masës së sigurisë, prokurori Namani tha se kjo çështje mbetet në vlerësimin e gjykatës.
Pas kësaj, gjyqtari Berisha mori aktvendim me të cilin aprovoi propozimin për ndërprerjen e arrestit shtëpiak, duke konstatuar se i akuzuari Remzi Hajzeraj tani e tutje do të vazhdojë të mbrohet në liri gjatë rrjedhës së mëtejshme të procesit.
Ndryshe, i dëmtuari – ministri Sveçla, nuk ishte i pranishëm në seancën e shqyrtimit fillestar, megjithëse ishte ftuar në mënyrë të rregullt përmes ftesës fizike dhe postës elektronike. Ai e kishte njoftuar Gjykatën se mungesa e tij erdhi si pasojë e angazhimeve të tjera zyrtare.
Kujtojmë se më 8 korrik 2026, Policia njoftoi për arrestimin e të pandehurit për kanosjen e ministrit Sveçla më 9 nëntor 2025.
Sipas aktakuzës së ngritur më 8 korrik 2026 nga Prokuroria Themelore në Prishtinë, Remzi Hajzeraj- me banim në Amerikë, akuzohet se më 9 nëntor 2025 në Prishtinë, në lidhje me detyrën zyrtare të palës së dëmtuar- Xhelal Sveçla në pozitën e Ministrit i Punëve të Brendshme, për shkak të veprimeve të tij zyrtare si ministër më 9 nëntor 2025, duke bërë deklarata, komunikime dhe biseda me qytetarë në rugë, për të cilat veprime bëhet publik një video-incizim, i akuzuari pasi që e sheh në rrjete sociale videon publike të Sveçlës, me qëllim të frikësimit dhe shkaktimit të ankthit, e ka kanosur seriozisht atë.
Aktakuza thotë se nga Messengeri i Facebook-ut, i ka dërguar mesazh ministrit me këto fjalë: “A qen bir qeni. Komunista te mu***, kancer i kosovës jeni ju. Mir qe sta paska q* nonen grusht me të knock you out. A e din o qen ministër se ste bajn pun 10 rojet me arm jo. Kanuni funksionon hala“, me çka të dëmtuarit i shkakton ndjenjën e frikë.
Me këtë, i akuzuari Remzi Hajzeraj akuzohet se e ka kryer veprën penale “Kanosja” nga neni 181, par.3 lidhur me par.2 të Kodit Penal.

T� tjera
-
Parashikimi i motit për të shtunën
Të shtunën parashikohet që gjatë orëve të para të 24-orëshit të arrijë një si...
-
Konsulli i Kosovës në Toronto, Kadri Dakaj, takohet me kryetaren e Bashkisë së Torontos, diskutojnë për bashkëpunim dhe komunitetin shqiptaro-kosovar
Konsulli i Përgjithshëm i Republikës së Kosovës në Toronto, Kadri Dakaj, ësht...
-
Daut Haradinaj për Jakup Krasniqin: S’di çka të them, e kisha nda një pjesë të jetës me të zëvendësu ty…
Daut Haradinaj nga Aleanca, ka reaguar lidhur me vizitën e Jakup Krasniqit në...
-
Uji tejkalon standardet e lejuara, ndalohet përdorimi për pije në dy zona të Gjakovës
Kompania Rajonale e Ujësjellësit “Gjakova” ka njoftuar se uji në zonat e furn...
-
Jakup Krasniqi nesër përfundon vizitën në Kosovë, raportohet se në orën 15:00 niset për në Hagë
Ish-kryekuvendari, Jakup Krasniqi, pritet të largohet nga Kosova, të shtunën ...
-
Policia e Shqipërisë jep detaje mbi alarmin për bo*mbë në avion
Policia e Shqipërisë ka reaguar pas raportimeve se në avionin Manchester – Ti...
-
Panik në fluturimin Manchester-Tiranë, alarm për bom*bë në avion, pasagjerët gjejnë shënimin
Një situatë tensioni kanë përjetuar sot pasagjerët e një avioni të Ryanair, q...
-
Maqedonci vlerëson pjesëmarrjen e FSK-së në ushtrimin “Golden Sabre”
Forca e Sigurisë së Kosovës (FSK) ka marrë pjesë në ushtrimin fushor “Golden ...
-
Sveçla njofton për aksionin në Mitrovicë, sekuestrohen kok*ainë, telefona dhe mbi 1 mijë euro
Ministri i Punëve të Brendshme, Xhelal Sveçla, ka bërë të ditur se Policia e ...
-
Shiroka-Pula: Filantropia dhe shërbimi ndaj të tjerëve janë vlera që forcojnë shoqërinë
Presidentja e Republikës së Kosovës, Justina Shiroka Pula, mori pjesë në Sami...
-
Ardian Gjini publikon shifrat e BQK-së: Çmimet dhe borxhet e qytetarëve janë rritur në mënyrë ekstreme, si po ia dalin familjet kosovare?
Kryetari i Aleancës, Ardian Gjini, ka ngritur shqetësimin për rritjen e ndjes...
-
Reagimet se i kanë ndarë vetëm 1.5 milionë për to, Pacolli: Mandat i digave, janë në proces, ndërtimet fillojnë më 2027 -28
Fitore Pacolli, ministre e Mjedisit dhe Planifikimit Hapësinor, përmes një po...

































