Kurti: Po shqyrtojmë mundësinë për të marrë gazin amerikan
Autori: Gazeta inFokus
15:44 | 15 July 2026
Kryeministri në detyrë, Albin Kurti, tha se Kosova po shqyrton mundësinë për t’u furnizuar me gaz të lëngëzuar nga Shtetet e Bashkuara të Amerikës, përmes bashkëpunimit me Shqipërinë në termocentralin e Vlorës.
Këto komente Kurti i bëri gjatë ceremonisë së vendosjes së gurthemelit për ndërtimin e parkut solar me kapacitet prej 105 megavatësh, në Kramovik të Rahovecit.
“Dhe po shqyrtojmë mundësinë për të përdorur gazin e lëngëzuar nga Shtetet e Bashkuara të Amerikës përmes bashkëpunimit me Shqipërinë në termocentralin e Vlorës.
Përtej rritjes së prodhimit vendor, ky projekt ka domethënie të veçantë edhe për raportin tonë me mërgatën. Kompania udhëheqëse e konsorciumit, Orllati Group, është e zhvilluar në Zvicër, ku ka fituar përvojë, kapital dhe standarde pune, të cilat tani po i sjell në Kosovë me investim afatgjatë.
Për dekada mërgata jonë ka qëndruar pranë Kosovës në momentet më të vështira. Sot po shohim gjithnjë e më shumë ndërmarrës nga mërgata që po kthehen me investime, me prodhim, teknologji dhe me vende pune. Kjo është një fazë e re dhe tej mase e rëndësishme e kontributit të saj.
Falënderoj qeverinë e SHBA-ve për mbështetjen në përgatitjen dhe dizajnimin e ankandit të parë solar. Ekspertiza e tyre ka ndihmuar që procesi të zhvillohet mbi praktikat më të mira ndërkombëtare dhe të krijojë besim te investitorët”, ka thënë ai.
Kurti ka bërë të ditur se ankandi i radhës për ndërtimin e kapaciteteve të reja të energjisë nga era, me kapacitet deri në 100 megavat, ka hyrë në fazën e fundit të dorëzimit të ofertave.
Kurti tha se në këtë proces janë të parakualifikuar tre ofertues me përvojë dhe ekspertizë.
“Ankandi ynë i radhës deri në 100 megavat për energji nga era tashmë është në fazën e fundit për dorëzimin e ofertave. Kemi tre ofertues të parakualifikuar nga Franca, nga Gjermania dhe Kosova, si dhe nga Turqia, që të gjithë me përvojën dhe ekspertizën e duhur për sukses”, tha Kurti.
Ai tha se parku i erës në Selac, me kapacitet prej 70 megavatësh, është afër përfundimit, ndërsa njoftoi edhe për projektin e ri solar të KEK-ut.
“Nga këtu ku jemi, mund të shohim në horizont turbinat e parkut të erës në Zatriq me kapacitet 70 megavat, i cili është afër përfundimit. Ndërkohë, KEK-u me përkrahjen e Bankës Zhvillimore Gjermane, KfË, ka tenderuar parkun e tij solar me kapacitet së paku 100 megavat”, u shpreh Kurti.
Kryeministri në detyrë theksoi rëndësinë e burimeve të ripërtëritshme të energjisë, duke vlerësuar se ato po bëhen gjithnjë e më konkurruese dhe kontribuojnë në uljen e nevojës për import të energjisë.
“Burimet e ripërtëritshme të energjisë janë gjithnjë më të rëndësishme, pra, në peizazhin e energjisë sepse, përveç që janë të pastra, vitet e fundit teknologjitë janë bërë përherë e më konkurruese për nga kostoja. Ndërsa burimet e tilla si dielli dhe era janë burime të pashtershme që nuk kanë kosto dhe kontribuojnë në uljen e nevojës për import”, tha ai.
Kurti bëri të ditur se Qeveria po investon edhe në sistemet e baterive, me mbështetjen e Korporatës së Sfidave të Mijëvjeçarit (MCC), përmes një granti prej 202 milionë dollarësh.
“Për integrimin dhe optimizimin e shfrytëzimit të këtyre burimeve, ne po investojmë në sistemet e baterive, me përkrahje të Korporatës së Sfidave të Mijëvjeçarit, MCC, me grant prej 202 milionë dollarë. Jemi mirënjohës që administrata e Presidentit Trump vitin e kaluar ka vendosur të vazhdojë programin kompakt me Kosovën, vendim pas të cilit puna ka vazhduer intensivisht. Gjatë gushtit, presim ofertimin e kompanive të kualifikuara amerikane për ndërtimin e sistemeve të baterive me kapacitet 170 megavat për dy orë, gjithsej 340 megavat-orë, ndërtimi i të cilave fillon vitin e ardhshëm”, u shpreh ai.
Ai tha se, në kushtet e paqëndrueshmërisë gjeopolitike dhe luhatjeve të çmimeve në tregjet ndërkombëtare, siguria energjetike lidhet drejtpërdrejt me sigurinë ekonomike dhe atë kombëtare.
“Në kohë të turbulencave gjeopolitike dhe të luhatjeve të mëdha të çmimeve në bursa ndërkombëtare, siguria energjetike është edhe siguri ekonomike, edhe siguri kombëtare. Prandaj, çdo megavat-orë i prodhuar nga burimet tona na e zvogëlon ekspozimin ndaj krizave të jashtme dhe na e shton mbështetjen për ekonominë e cila po rritet”, tha Kurti.

T� tjera
-
Parashikimi i motit për të shtunën
Të shtunën parashikohet që gjatë orëve të para të 24-orëshit të arrijë një si...
-
Konsulli i Kosovës në Toronto, Kadri Dakaj, takohet me kryetaren e Bashkisë së Torontos, diskutojnë për bashkëpunim dhe komunitetin shqiptaro-kosovar
Konsulli i Përgjithshëm i Republikës së Kosovës në Toronto, Kadri Dakaj, ësht...
-
Daut Haradinaj për Jakup Krasniqin: S’di çka të them, e kisha nda një pjesë të jetës me të zëvendësu ty…
Daut Haradinaj nga Aleanca, ka reaguar lidhur me vizitën e Jakup Krasniqit në...
-
Uji tejkalon standardet e lejuara, ndalohet përdorimi për pije në dy zona të Gjakovës
Kompania Rajonale e Ujësjellësit “Gjakova” ka njoftuar se uji në zonat e furn...
-
Jakup Krasniqi nesër përfundon vizitën në Kosovë, raportohet se në orën 15:00 niset për në Hagë
Ish-kryekuvendari, Jakup Krasniqi, pritet të largohet nga Kosova, të shtunën ...
-
Policia e Shqipërisë jep detaje mbi alarmin për bo*mbë në avion
Policia e Shqipërisë ka reaguar pas raportimeve se në avionin Manchester – Ti...
-
Panik në fluturimin Manchester-Tiranë, alarm për bom*bë në avion, pasagjerët gjejnë shënimin
Një situatë tensioni kanë përjetuar sot pasagjerët e një avioni të Ryanair, q...
-
Maqedonci vlerëson pjesëmarrjen e FSK-së në ushtrimin “Golden Sabre”
Forca e Sigurisë së Kosovës (FSK) ka marrë pjesë në ushtrimin fushor “Golden ...
-
Sveçla njofton për aksionin në Mitrovicë, sekuestrohen kok*ainë, telefona dhe mbi 1 mijë euro
Ministri i Punëve të Brendshme, Xhelal Sveçla, ka bërë të ditur se Policia e ...
-
Shiroka-Pula: Filantropia dhe shërbimi ndaj të tjerëve janë vlera që forcojnë shoqërinë
Presidentja e Republikës së Kosovës, Justina Shiroka Pula, mori pjesë në Sami...
-
Ardian Gjini publikon shifrat e BQK-së: Çmimet dhe borxhet e qytetarëve janë rritur në mënyrë ekstreme, si po ia dalin familjet kosovare?
Kryetari i Aleancës, Ardian Gjini, ka ngritur shqetësimin për rritjen e ndjes...
-
Reagimet se i kanë ndarë vetëm 1.5 milionë për to, Pacolli: Mandat i digave, janë në proces, ndërtimet fillojnë më 2027 -28
Fitore Pacolli, ministre e Mjedisit dhe Planifikimit Hapësinor, përmes një po...






























