Lajme

Prokuroria njofton se ka ndaluar të dyshuarin për plagosjen e mbrëmshme në Pejë

Autori: Gazeta inFokus 10:32 | 14 July 2026

Prokuroria Themelore në Pejë ka njoftuar se ka ndaluar personin e dyshuar për plagosjen e rëndë që ndodhi mbrëmjen e së hënës në Pejë, ku një person mbeti i plagosur nga të shtënat me armë zjarri. I dyshuari është ndaluar për 48 orë nën dyshimin për veprën penale “Vrasja në tentativë”.

Sipas njoftimit zyrtar, i dyshuari me inicialet B.K. është ndaluar me urdhër të Prokurorit të Shtetit, për shkak të dyshimit të bazuar se ka kryer veprën penale “Vrasja në tentativë”, sipas Kodit Penal të Republikës së Kosovës.

Prokuroria ka bërë të ditur se menjëherë pas pranimit të informatës për rastin, në vendin e ngjarjes kanë dalë Prokurori i Shtetit, njësitet relevante të Policisë së Kosovës dhe ekipet e forenzikës, të cilat kanë kryer veprimet e nevojshme hetimore dhe kanë mbledhur prova materiale.

-Advertisement-

Prokuroria ka bërë të ditur se brenda afatit ligjor do të paraqesë kërkesë në Gjykatën kompetente për caktimin e masës së paraburgimit ndaj të dyshuarit, ndërsa hetimet po vazhdojnë në koordinim me Policinë e Kosovës për zbardhjen e plotë të rrethanave të rastit.

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy