Lajme

Mbyllet nesër përkohësisht rruga Brezovicë – Prevallë

Autori: Gazeta inFokus 10:35 | 08 July 2026

Segmenti rrugor Brezovicë – Prevallë do të mbyllet përkohësisht për qarkullim nesër, më 9 korrik, nga ora 08:00 deri në 18:00, për shkak të punimeve të asfaltimit në rrugën rajonale R115 Fushë e Pajtimit – Prevallë, ka njoftuar Ministria e Infrastrukturës dhe Transportit.

Sipas ministrisë, punimet zhvillohen në kuadër të projektit “Mirëmbajtja verore dhe dimërore e rrugëve nacionale dhe rajonale të Kosovës për 3 vjetët në vazhdim – Ferizaj 1”, ndërsa do të asfaltohet një segment rrugor në gjatësi prej 1,050 metrash.

Për të mundësuar zhvillimin e punimeve në kushte të sigurta, pa pengesa dhe në përputhje me standardet teknike të kërkuara, do të bëhet mbyllja e përkohshme e qarkullimit në segmentin rrugor Brezovicë – Prevallë, në intervalin kohor 08:00–18:00.

-Advertisement-

Sipas ministrisë, mbyllja e përkohshme e këtij segmenti është e domosdoshme për garantimin e sigurisë së pjesëmarrësve në trafik dhe të personelit të angazhuar në punime, si dhe për të siguruar realizimin cilësor të shtresës së asfaltit.

Ministria fton qytetarët që në atë interval kohor të shfrytëzojnë rrugët alternative.

Teknologjia në kuzhinë nuk është vetëm çështje komoditeti, por edhe kohe: Njihuni me pllakën inovative me induksion Miele KM 8000!
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy