Lajme

“The Times”: Anëtarët e UEFA-s pro pezullimit të Izraelit, votohet javën e ardhshme

Autori: Gazeta inFokus 08:47 | 26 September 2025

Shtëpia evropiane e futbollit, UEFA, pritet që javën e ardhshme të marrë vendim për pezullimin ose jo të Izraelit, por shumica e anëtarëve të komitetit ekzekutiv të saj merret vesh se janë pro kësaj mase, raporton gazeta e njohur britanike, “The Times”.

Një panel i këshilltarëve në Kombet e Bashkuara u kanë bërë thirrje FIFA-s dhe UEFA-s që ta pezullojnë Izraelin, pasi një Komision Hetues i OKB-së konkludoi se Izraeli është duke kryer gjenocid në Gaza, thuhet në artikullin e të përditshmes britanike.

Burimet i kanë thënë gazetës se UEFA do të marrë një vendim javën e ardhshme dhe se një shumicë e madhe e anëtarëve ekzekutivë si dhe federatave të vendeve anëtare janë në favor të pezullimit – duke e përmendur pezullimin e Rusisë nga garat evropiane që nga fillimi i pushtimit të plotë të Ukrainës në vitin 2022, raporton Nacionale.

-Advertisement-

UEFA, organizatë në të cilën Izraeli është anëtar që nga viti 1994, ka mbajtur diskutime serioze në nivelin më të lartë këtë javë për veprimet e Izraelit në Gaza dhe për atë se si duhet të reagojë institucioni më i lartë evropian i futbollit ndaj kësaj situate.

Gazeta “The Times” muajin e kaluar mori vesh se disa klube evropiane të futbollit e kishin pyetur UEFA-n nëse ekzistonte ndonjë mënyrë që ato ta shmangin ballafaqimin me ekipe izraelite

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy