Sport

Mudryk pozitivë në testet antidpoing, vjen reagimi i Chelseat

Autori: Gazeta inFokus 11:41 | 17 December 2024

Mykhailo Mudryk është në probleme të mëdha, pasi ka dalë pozitiv në testet anti-doping.

Ka qenë vet klubi londinez që ka konfirmuar se FA kanë ftuar yllin ukrainas pasi është gjetur diçka e pafavorshme në testet rutinë të urinës pas një ndeshje.

Chelsea ka konfirmuar se si ata ashtu edhe Mudryk e mbështesin plotësisht programin e testimit nga Federata Angleze.

-Advertisement-

Ndërkohë ukrainasi i ka konfirmuar Chelseat se ai nuk ka përdorur kurrë me vetëdije ndonjë substancë të ndalur.

“Klubi i Futbollit Chelsea mund të konfirmojë se Federata e Futbollit ka kontaktuar së fundmi lojtarin tonë Mykhailo Mudryk në lidhje me një gjetje të pafavorshme në një test rutinë të urinës”.

Club statement: Mykhailo Mudryk.

— Chelsea FC (@ChelseaFC) December 17, 2024

“Si Klubi ashtu edhe Mykhailo mbështesin plotësisht programin e testimit të FA dhe të gjithë lojtarët tanë, përfshirë Mykhailo, testohen rregullisht. Mykhailo ka konfirmuar kategorikisht se ai kurrë nuk ka përdorur me vetëdije ndonjë substancë të ndaluar”.

“Si Mykhailo ashtu edhe klubi tani do të punojnë me autoritetet përkatëse për të përcaktuar se çfarë ka shkaktuar gjetjen e pafavorshme. Klubi nuk do të komentojë më”, thuhet në njoftimin e Chelseat.