Lajme

‘Dha 200 mijë euro për vëllain dhe dajën e Fitore Pacollit’, rinia e LDK-së bën kallëzim penal për ministrin Peci dhe deputeten

Autori: Gazeta inFokus 12:51 | 19 November 2024

Zyrtari i Lidhjes Demokratike të Kosovës, Egzon Pacolli së bashku me kryetarin e rinisë të kësaj partie, Paris Gurin kanë dorëzuar kallëzim penal ndaj ministrit të Bujqësisë, Faton Pecit dhe deputetes të partisë në pushtet, Fitore Pacollit.

Guri ka shkruar se padia është bërë në lidhje me rastin që u zbulua nga rinia e LDK-së ku po dyshohet se ministri Peci ndau grant prej 100 mijë eurosh për biznesin e vëëlait të deputetet Pacolli, katër ditë pasi u regjistrua në Agjencinë e Regjistrimit të Biznesveve të Kosovës, shkruan Gazeta Infokus.

Po ashtu edhe për rastin që u publikua në media se ministri ndau edhe 100 mijë euro të tjera për dajën e deputetes në fjalë.

-Advertisement-

Njoftimi i plotë:

“Sot, bashkë me Sekretarin e Forumit të Rinisë së LDK-së, Egzon N. Pacolli, dorëzuam në Prokurorinë Themelore, kallëzim penal për ministrin e bujqësisë, Faton Pecin dhe deputeten e pushtetit, Fitore Pacolli.

Ata bashkarisht ndanë 100.000 euro grant për vëllaun e deputetes Fitore Pacolli njëherit edhe kryetare e Komisionit për Bujqësi, fakt ky i cili e bën akoma më shqetësues rastin, përvec skandalit me vëlla, Fitore Pacolli bashkë me Faton Pecin ndanë edhe 100.000 euro të tjera për dajën e Fitores.

Paraja publike po keqpërdoret në mënyrë brutale, e këtë nuk e tolerojmë. Andaj kërkojmë nga Prokuroria hetim të menjëhershëm të rastit.

Nuk do të ndalemi deri sa taksat tona, paratë që u takojnë bujqëve të kthehen cent më cent.”

Subscribe në YouTube: GAZETA INFOKUSI