Lajme

Kurti jep lajmin për rritje 20% të të gjitha pensioneve, këto janë të gjitha kategoritë

Autori: Gazeta inFokus 14:01 | 07 October 2024

Në një konferencë për media, kryeministri i Kosovës, Albin Kurti ka njoftuar se do të rrisë për 20% shumicën e pensioneve në Kosovë.

Rritja do të jetë për të gjithë pensionistët. Ndërsa për kategoritë e dala nga lufta rritja do të fillojë nga muaji janar.

“Prandaj sot kam një lajm të mirë përtu dhënë të gjithë pensionistëve. Nga ky muaj pra muaji tetor 2024, do të rrisim për 20% të gjitha pensionet si vijon. Pensioni bazik i moshës, pensioni kontributpagues i plotë dhe parcial, pensioni i aftësisë së kufizuar për fëmijë dhe të rritur. Pensioni për personat e verbër, penisoni familjar, penisoni invalidor i punës dhe pensioni i parakohshëm i punës. Ndërsa nga muaji janar viti 2025 do të rriten për 20% pensionet e përcaktuara për kategoritë e luftës, familjet e dëshmorëve, invalidëve dhe vetranëve, pjesëtarëve të UÇK-së, viktimave të dhunës seksuale të luftës, vikimave civile dhe familjeve. Kjo për arsyen se për ndryshimin e këtyre penisoneve duhet të ndryshohet edhe tabela që është pjesë e ligjit si shtojcë”, ka thënë Kurti në konferencë./Gazeta Infokus/

-Advertisement-

 

Subscribe në YouTube: GAZETA INFOKUSI
Etiketa:
Vetëm edhe 4 ditë nga Bootcamp me Alan Greenberg, ish-Drejtorin për Edukim në Apple, Apliko Tani
-Advertisement-

Të tjera

Fokusi

lajme