Lajme

Shala, akuzon LVV-në: Familjarët e mi nuk janë të punësuar në pozitat që po pretendon pushteti, me shpifësit shihemi në Gjykatë

Autori: Gazeta inFokus 12:36 | 28 December 2023

Deputeti i Partisë Demokratike të Kosovës, Ferat Shala ka reaguar ashpër pasi një publikimi në rrjete sociale ku shfaqej se e gjitha familja e tij e ngushtë janë të punësuar në institucione.

Shala ka thënë se kjo është një shpifje e partisë në pushtet të cilët si zakonisht për të mbuluar dëshimet  e tyre e keqqeverisjen merren me propagandë.

Ai ka treguar për secilin familjar duke filluar nga bashkëshortja se nuk janë të punësuar ashtu sic ka pretenduar ta shaqë qeveria Kurti në rrjetet sociale.

-Advertisement-

Deputeti i PDK-së madje ka thënë se do të marrë rrugët ligjore për të gjitha shpifjet që bëhen ndaj tij, shkruan Gazeta Infokus.

Ky është reagimi i tij i plotë:

Shpifjet po vazhdojnë!

Skuadra të ngushta të kabinetit të Kryeministrit janë në panikë.

Në mungesë të argumenteve profesionale, të zënë mes skandaleve të njëpasnjëshme të kësaj qeverie, po vazhdojnë me të vetmin mjet që ata dijnë dhe kanë; shpifjet dhe propagandën. Kësaj radhe në drejtim timin, duke mos kursyer as familjen time.

Shpifja është veti e ulët njerëzore, akoma më e ulët bëhet, kur del nga kabineti dhe njerëz të afërt të Kryeministrit Kurti.

Një foto e shpërndarë me emrin tim, duke aluduar në pjesëtarë të familjes sime dhe pozitat e tyre nëpër organe shtetërore, është tërësisht e pavërtetë, deri në absurditet.

  1. Gruaja ime Sala, nuk punon dhe as që ka qenë ndonjëherë e angazhuar në Feronikel.
  2. Djali im Pëllumbi, nuk punon dhe as nuk ka punuar ndonjëherë në KRPP.

3.Vajza ime nuk punon dhe as që ka punuar ndonjëherë në BQK, dhe për më tepër, unë kam vetëm një vajzë, dhe jo dy.

  1. Dhëndrri im, nuk ka funksion të Drejtorit.
  2. Enver Berisha, miku im, punon dhe jeton në Gjermani, nuk ka asnjë lidhje me kompaninë në fjalë.

Emra dhe informata të tjera që aludohen si anëtarë të familjes janë imagjinatë – ose shpifje e qëllimshme për ta bërë më të besueshme propagandën.

Shpifjet në drejtim timin dhe familjes nuk kalojnë, do t’i shkojmë deri në fund me rrugë ligjore.

Nëse brenda ditës nuk ka kërkim falje publike dhe tërheqje të shpifjeve, me shpifësit takohemi në Gjykatë!

 

Subscribe në YouTube: GAZETA INFOKUSI
Etiketa:
Diplomon gjenerata e dytë e studentëve UNIK të UNI-të me diploma të fuqizuara nga Arizona State University
-Advertisement-

Të tjera

Fokusi

lajme