Lajme

Veriu i Kosovës, Elshani: Nuk mund të përjashtojmë asnjë mundësi të ndonjë sulmi të ri

Autori: Gazeta inFokus 08:49 | 25 Tetor 2023

Situata aktuale në veri të Kosovës është e qetë, por e brishtë dhe delik

Kështu tha në një prononcim për Telegrafin zëvendësdrejtori i Policisë së Kosovës për veriun e Mitrovicës, Veton Elshani.

Sipas tij, duke marrë parasysh situatën delikate në të cilën ndodhen, policia nuk mund të përjashtojë asnjë mundësi në veri për ndonjë sulm të mundshëm të ri.

-Advertisement-

Por, siç u shpreh ai Policia e Kosovës është e gatshme për çdo rast që mund të ndodh.

“Situata në veri të vendit është e qetë për momentin, por e brishtë dhe delikate. Por, duke marrë parasysh situatën delikate në të cilën ndodhemi, nuk mund të përjashtojmë asnjë mundësi në veri të ndonjë sulmi të mundshëm. Policia e Kosovës është e gatshme për çdo rast që mund të ndodh”, ka thënë Elshani.

Si po ashtu theksoi se rasti i Basnjkës (24 shtatorit) është i rëndë i cili vazhdon të hetohet.

“Rasti i Banjskës është rast i rëndë i cili vazhdon të hetohet dhe kudo që na dërgojnë hetimet ne shkojmë”, tha Elshani.

Ndryshe, më 24 shtator, një grup i armatosur serb sulmoi Policinë e Kosovës në Banjskë të Zveçanit – komunë në veri të Kosovës, e banuar me shumicë serbe. Si pasojë e sulmit, mbeti i vrarë rreshteri Afrim Bunjaku.

Në kundërpërgjigje të sulmit terrorist, Policia vrau tre sulmues.

Përgjegjësinë për sulmin terrorist e ka marrë Milan Radoiçiq, i cili pas sulmit dha dorëheqje nga pozita e nënkryetarit të Listës Serbe, parti kjo e serbëve në Kosovë që gëzon mbështetjen e Beogradit zyrtar.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy