Lajme

Nis ndërtimi i shtëpive në veri, Krasniqi e Sveçla vizitojnë familjet përfituese në Leposaviq

Autori: Gazeta inFokus 16:30 | 19 October 2023

Ministri i Administrimit të Pushtetit Lokal, Elbert Krasniqi, ka njoftuar se në veri të vendit ka filluar ndërtimi i shtëpive për familjet përfituese nga thirrja e MAPL-së për ndërtimin dhe renovimin e shtëpive.

Bashkë me Ministrin e Punëve të Brendshme, Xhelal Sveçlën, ata kanë vizituar familjet pëftituese.

“Me Ministrin Xhelal Sveçla, në Leposaviq vizituam familjen e Hajriz Aliut dhe familjen e Bashkim Ibrahimit nga Fshati Cerajë. Ndërsa në Bistricë ishim tek familja e Muharrem Muharremit dhe familja e Artan Imerit.

-Advertisement-

Banorët e Leposaviqit tashmë kanë infrastruktur rrugore më të mirë për arsye të rrugës së asfaltuar nga Qeveria e Republikës së Kosovës. Projekti për ndërtimin e shtëpive nga MAPL është një nga projektet qeveritare për ndërtimin e shtëpive duke pas parasysh edhe shtëpitë të cilat do të ndërtohen në lagjen Kroi i Vitakut nga MMPHI”, ka shkruar Krasniqi.

Subscribe në YouTube: GAZETA INFOKUSI