Sport

MKRS-ja ia pezullon licencën Federatës së Karatesë

Autori: Gazeta inFokus 20:53 | 11 September 2023

Ministria e Kulturës, Rinisë dhe Sportit (MKRS) ia ka pezulluar licencën e Federatës së Karatesë së Kosovës (FKK).

Në njoftimin e lëshuar nga MKRS, thuhet se ky vendim u mor duke u bazuar në rekomandimin e Komisionit Vlerësues për Licencimin e Federatave Sportive (KVLFS).

KVLFS, që kryesohet nga Fidan Shatri, i dërgoi një letër ministrit Çeku ku i rekomandoi pezullimin e licencës për FKK-në, rekomandim që është pranuar tashmë.

-Advertisement-

Pezullimi mund t’i largohet brenda 45 ditëve, nëse nga Federata e Karatesë plotësohen kriteret që ka listuar Komisioni Vlerësues për Licencimin e Federatave Sportive.

Mes tjerash, FKK obligohet që brenda 45 ditëve të ripërsërisë Kuvendin e Jashtëzakonshëm Zgjedhor.

Nga FKK kërkohet edhe që ta njoftojë MKRS-në për mbajtjen e Kuvendit më së largu shtatë ditë para mbajtjes, duke njoftuar KVLFS-në me listën e anëtarëve dhe delegatëve që do të jenë prezentë.

Gjithashtu është kërkuar që në Kuvend të marrin pjesë vetëm anëtarët që kanë përmbushur kriteret për licencim.

Düsseldorf–Prishtinë, dy fluturime në ditë – rezervoni me PrishtinaTickets
-Advertisement-

T� tjera

Ky website përdor cookies. Duke vazhduar përdorimin, ju pranoni përdorimin e tyre.

Privacy policy