Uncategorized

Messi me supergol nga goditja e lirë i jep fitoren Argjentinës ndaj Ekuadorit

Autori: Gazeta inFokus 08:43 | 08 September 2023

Kombëtarja e Argjentinës i ka nisur me fitore 1-0 ndaj Ekuadorit, kualifikueset e Amerikës së Jugut për Kupën e Botës dhe vendimtar ishte ylli i skuadrës, Lionel Messi me një gol të jashtëzakonshëm nga gjuajtja e lirë.

Përfaqësueset e Amerikës së Jugut (CONMEBOL) kanë filluar ndeshjet kualifikuese Kupën e ardhshme të Botës që do të zhvillohet pas tre vitesh në Shtetet e Bashkuara, Kanada dhe Meksikë.

Ndeshjet e xhiron së parë nisen pa ndonjë befasi, me Argjentinën që fitoi me rezultat 1-0 në shtëpi ndaj Ekuadorit.

-Advertisement-

Goli i vetëm dhe vendimtar u shënua nga ylli i ekipit, Messi, i cili ishte i papërmbajtshëm në minutën e 78-të të ndeshjes.

Messi shënoi një supergol nga një goditje e dënimit prej pak më shumë se 20 metrave duke mos i lënë asnjë mundësi reagimi portierit ekuadorian.

Edhe pse ka fituar Botërorin e fundit me Argjentinën e tij, Messi tregoi se nuk dëshiron të ndalet me kaq. Përkundrazi, nisi një cikël të ri kualifikimi në Botëror dhe e bëri në mënyrën e duhur.

Dy ndeshje të tjera kualifikuese u luajtën në Amerikën e Jugut dhe pikët e para i fitoi Kolumbia, e cila fitoi 1:0 ndaj Venezuelës në shtëpi. Paraguai dhe Peruja luajtën një ndeshje pa gola.

Ndryshe, ka gjashtë vende automatike që shkojnë në Kupën e Botës nga Amerika e Jugut, ndërsa një tjetër do të ketë shansin për t’u kualifikuar përmes “play-off”-it ndërkontinental.

Subscribe në YouTube: GAZETA INFOKUSI
Etiketa:
Presidenti i UNI z. Alejtin Berisha, folës mbi temën “Women’s Role in Artificial Intelligence Development” në DOKUTECH, edicioni i 11-të
-Advertisement-

Të tjera

Fokusi

uncategorized