Lajme

Mashtruan dhjetëra persona në “TikTok” me para të falsifikuara, arrestohen dy veta në Gjilan

Autori: Gazeta inFokus 12:10 | 09 August 2023

Policia e Kosovës ka njoftuar se ka arrestuar dy persona, pasi të njëjtit dyshohen që përmes rrjetit social “Tik Tok”, nga disa video bënin shitjen e parave të falsifikuara.

Me vendim të prokurorit, të dyshuarit janë dërguar në mbajtje për 48 orë.

“Sot, me datën 09.08.2023, është zbatuar Plani Operativ përkatës ku hetuesit e S.H.K.E, në orët e mëngjesit kanë realizuar Urdhëresën e Gjykatës Themelore në Gjilan, për kontrollimin e shtëpisë së personit të dyshuar F.S. dhe njëkohësisht i dyshuari është arrestuar. Gjithashtu është arrestuar edhe personi i dyshuar A.S. për të cilin janë siguruar prova se ka bashkëpunuar me personin tjetër F.S.” , thuhet në njoftim.

-Advertisement-

“Të dyshuarit F.S. (1992), mashkull kosovar si dhe A.S. (1995), mashkull kosovar, janë marrë me veprimtari kriminale ku kanë mashtruar dhjetëra persona, kinse do t’u shesin para të falsifikuara, mirëpo në anën tjetër i kanë mashtruar këta persona duke përfituar nga ta shuma të konsiderueshme të mjeteve materiale”, thuhet në njoftim.

Policia e Kosovës ka kërkuar nga qytetarët të mos bien pre e mashtrimeve të tilla si dhe të bashkëpunojnë me policinë në parandalimin e veprave penale dhe dukurive negative.

Subscribe në YouTube: GAZETA INFOKUSI
Etiketa:
Comodita në Las Vegas Market prezanton linjat e reja të dyshekëve për tregun amerikan
-Advertisement-

Të tjera

Fokusi

lajme