Deçiq reagon pasi Lista Serbe kërkoi shpalljen e njësive speciale të PK-së “organizatë terroriste”
Autori: Gazeta inFokus 20:27 | 03 July 2023
Ministri i Punëve të Jashtme i Serbisë, Ivica Daçiq, ka vlerësuar se apeli i sotëm i Listës Serbe drejtuar Qeverisë së Serbisë për shpalljen e forcave speciale të Policisë së Kosovës në veri të Kosovës si organizatë terroriste është një mesazh politik që kërkon reagim nga shteti i Serbisë.
Daçiqi tha për televizionin B92 se “struktura” aktuale e politikanëve në Prishtinë “ka rrjedhë nga organizata terroriste UÇK” dhe shtoi se “ajo linjë ka qenë e pranishme në Kosovë për shumë vite”.
“Edhe qeveria amerikane i kishte në listën e organizatave terroriste që në fund të paraqiteshin si ‘ushtria çlirimtare’, pas vitit 2000 ata bënë transformime të ndryshme të UÇK-së, edhe pse sipas Rezolutës 1244 ka obligim që të shpërbëhen të gjitha formacionet e armatosura”, tha Daçiqi, raporton agjencia serbe e lajmeve “Beta”.
Ai ka vlerësuar se qëllimi i Prishtinës është që organizata të caktuara nga veriu i Kosovës t’i shpallë terroriste, “për të shkaktuar frikë dhe shpërngulje të serbëve nga ajo zonë”.
“Kjo hap gjuetinë për serbët, ata mund të shpallin terroristë të gjithë njerëzit tanë në veri të Kosovës”, tha Daçiqi.
Duke komentuar deklaratën e kryeministrit Albin Kurti se në veri janë identifikuar 45 persona të organizatave terroriste “Mbrojtja Civile” dhe “Brigada e Veriut”, Daçiqi pyeti nëse Beogradi duhet të publikojë emrat e të gjithë shqiptarëve nga Kosova, por edhe nga Bujanoci dhe Presheva, të cilët, sipas tij, kanë vite që demonstrojnë kundër Serbisë.
“A është kjo rruga drejt normalizimit? Mendoj se serbët kanë të drejtë të shprehin pikëpamjet e tyre politike”, tha ministri serb.
Kujtojmë se Lista Serbe, partia kryesore e serbëve në Kosovë, ka kërkuar nga Qeveria në Beograd që të shpallë njësitë speciale të Policisë së Kosovës, strukturat e inteligjencës dhe të gjithë bashkëpunëtorët e tyre si organizata terroriste “pasi kërcënojnë paqen në veriun e Kosovës”.
Në një letër, të cilën ky subjekt e ndau me mediat, thuhet se populli serb “po vuan nga terrori dhe represioni i regjimit antiserb të Albin Kurtit, prej dy vitesh”.
“Ne thellësisht besojmë se ky vendim, në bashkëpunim me institucionet ndërkombëtare dhe partnerët perëndimorë, do të parandalonte aktivitetet e mëtejme të paligjshme të këtyre formacioneve për të kërcënuar paqen në veri. Po ashtu, do të krijonte bazë ligjore për veprimet e të gjitha autoriteteve shtetërore kundër këtyre organizatave që t’i sjellin ato para drejtësisë”, thuhet në letrën e Listës Serbe dërguar Qeverisë në Beograd.
Kërkesa e Listës Serbe vjen disa ditë pasi Qeveria e Kosovës shpalli si organizata terroriste “Mbrojtjen Civile” dhe komponentin e saj “Brigadën e Veriut”, grupe këto të serbëve që veprojnë në veri të vendit. /Klan Kosova
Të tjera
-
E konfirmon Albulena Haxhiu: Ura u diskutua në Bruksel
Ministrja e Drejtësisë, Albulena Haxhiu, deklaroi sonte se në Bruksel është f...
-
“Papunësia 4% në Kosovë”, Besian Mustafa: Rreni bile për toke, macat ju hangshin
Anëtari i Kryesisë së LDK-së, Besian Mustafa, ka reaguar ndaj Vetëvendosjes q...
-
Ministrja Haxhiu: Nuk mundesh me një pagë 1400-1500 euro të krijosh pasuri gjithandej, brenda e jashtë Kosovës
Ministrja e Drejtësisë Albulena Haxhiu, tha se `Projektligji për Byronë Shtet...
-
Albulena Haxhiu garanton për kolegët: Asnjë ministër nuk krijoi pasuri duke e mbajtur këtë pozitë
Duke folur për Byronë Shtetërore për Konfiskimin e Pasurisë së Pajustifikuesh...
-
Lutfi Haziri i bindur: Lumir Abdixhiku nesër si kryeministër do ta kthej marrëdhënien speciale me SHBA
Nënkryetari i Lidhjes Demokratike të Kosovës, Lutfi Haziri tha se LDK-ja ka r...
-
Lutfi Haziri i ashpër me Kurtin: Republikën që nuk e ka pranu dikur, tash e ka izolu
Nënkryetari i Lidhjes Demokratike të Kosovës, Lutfi Haziri tha se marrëveshje...
-
Besnik Bislimi flet për takimin në Bruksel me zyrtarin e lartë të NATO-s
Kryenegociatori i Kosovës, Besnik Bislimi, njofton se sot në Bruksel përveç t...
-
Dukagjin Gorani thotë se opozita do ta ofrojë alternativën e “stabilitetit politik”
Analisti Dukagjin Gorani ka deklaruar se është optimist se opozita do ta ofro...
-
Dardan Sejdiu: Industria e Serbisë është bërë e rëndësishme për tregun evropian
Opinionisti, Dardan Sejdiu sonte në emisionin “Rubikon” ka thënë se Serbia në...
-
Ky është parashikimi i motit për të mërkurën
Për të mërkurën parashikohet të mbajë mot kryesisht i vranët dhe kohë pas koh...
-
Tetë të vrạrë, mijëra të plagosur nga shpërthimi i pajisjeve pager në Liban
Së paku tetë njerëz janë vrarë dhe 2.750 të tjerë janë plagosur të martën si ...
-
Bajrami sqaron “rrenën” e pushtetit për miliardat në ekonomi
Deputetja e Lidhjes Demokratike të Kosovës (LDK), Hykmete Bajrami, ka kritiku...