Lajme

Lëndohen rreth 20 ushtarë të KFOR-it gjatë tensioneve në Zveçan

Autori: Gazeta inFokus 18:02 | 29 May 2023

Njëzet ushtarë të KFOR-it kanë marrë lëndime gjatë përplasjeve me protestuesit në Zveçan.

Në orët e pasditës, situata ka eskaluar në Zveçan, pasi KFOR-i u bëri thirrje protestuesve që të largohen nga hapësirat afër komunës, por ata nuk pranuan.

Janë publikuar pamjet gjatë përleshjeve, ndërkaq Gazeta Express mëson nga burimet brenda institucioneve të sigurisë se janë lënduar së paku 20 ushtarë të KFOR-it.

-Advertisement-

Nga pamjet e publikuara nga mediat dëgjohen edhe krisma, që nuk dihet se nga vijnë.

Para eskalimit të situatës, KFOR-i ndërhyri për shpërndarjen e protestuesve në Zveçan. Paraprakisht i paralajmëroi protestuesit që të shpërndahen, por ata nuk u bindën.

“Ju po shkaktoni trazira. Po e rrezikoni veten dhe komunitetin tuaj. Largohuni nga zona dhe shkoni në shtëpi – në të kundërtën, KFOR-i do të detyrohet të ndërhyjë”, ishte audio-paralajmërimi i KFOR-it.

Siç njofton gazetari i T7 nga Zveçani, ekipet mediale janë strehuar në një lokal, pas tensionimit të situatës atje.

Subscribe në YouTube: GAZETA INFOKUSI
BKT Kosova vlerësohet për herë të katërt "Banka e Vitit 2024 në Kosovë" nga The Banker
-Advertisement-

Të tjera

Fokusi

lajme