Lajme

Kurti premtoi zgjerim të rrugës Kijevë – Zahaq, ministria zgjodhi devijimin

Autori: Gazeta inFokus 23:25 | 26 Prill 2023

Rreth 230 milionë euro kishte nënshkruar Ministria e Financave kredi me Bankën Evropiane për Rindërtim dhe Zhvillim (BERZh) për segmentin Kijevë – Zahaq të rrugës Prishtinë – Pejë.

Marrëveshja parashihte që në këtë segment të ndërtohet auto-udha e tipit të mbyllur, me devijim nga rruga ekzistuese përgjatë gjithë këtij segmenti. Mirëpo, ky projekt dështoi dhe kredia me BERZh-in u ndërpre nga Qeveria Kurti 2.

Më 14 prill të 2022-ës, në foltoren e Kuvendit, kryeministri Albin Kurti deklaroi se po planifikojnë që të mos ketë fare devijim, por vetëm zgjerim të rrugës ekzistuese, e cila nuk ka nevojë për shpronësim, raporton Kiks Kosova.

-Advertisement-

Megjithatë, kjo gjë nuk u shkrua as në letër. Ministria e Infrastrukturës vazhdoi projektin sipas variantit 2.

Sipas këtij varianti, bëhet një devijim i tërësishëm nga rruga ekzistuese, duke anashkaluar në tërësi fshatrat Kijevë, Burim, Rixhevë e Gllarevë.

Banorët e këtyre fshatrave i nxori në rrugë vendimi i Qeverisë i cili mban datën 8 mars 2023, përmes të cilit u aprovua shqyrtimi i mëtejmë i kërkesës për vazhdimin e shpronësimit të pronave për realizimin e segmentit Kijevë – Zahaq.

Kiks Kosova javë më parë ishte dakorduar për realizimin e një interviste me zëvendësministrin e Infrastrukturës, Hysen Durmishi, për të marrë përgjigje se cili do të jetë fati i rrugës së kontestuar që përfshin këto fshatra, por intervista nuk u realizua.

Durmishi sot i ka thënë Kiksit se për shkaqe shëndetësore, ai nuk mund ta realizojë intervistën, por përmes telefonit ka deklaruar se ndërprerja e kredisë me BERZh-in u bë për t’i shpëtuar para buxhetit të Kosovës.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy