Lajme

Avokati i kryeshefit të KEK-ut: Vetë Krasniqi e ka shkëputur kontratën

Autori: Gazeta inFokus 18:17 | 25 Prill 2023

Virtyt Ibrahimaga, avokati i kryeshefit të KEK-ut, Nagip Krasniqi, ka thënë se kanë dorëzuar ankesë kundër vendimit të shkallës së parë në lidhje me masën e paraburgimit, duke bërë kërkesë që Krasniqi të lirohet nga masa e paraburgimit.

Ai tha se nga aspekti ligjor, kërkesa për paraburgim s’ka asnjë provë e cila arsyeton se kryeshefi i KEK-ut ka kryer ndonjë vepër penale.

“Kontrata për riparimin e kaldajës për të cilën dyshohet se e ka nënshkruar dhe e ka keqpërdorë detyrën, ajo kontratë është shkëputur dhe nuk është realizuar. Për keqpërdorimin e detyrës zyrtare nevojitet që një person tjetër të përfitojë diçka, e në këtë rast nuk është bërë asnjë pagesë dhe askush, asgjë s’ka përfituar”, është shprehur Ibrahimaga në “Info Magazine” në Klan Kosova.

-Advertisement-

Më tej, Ibrahimaga tha se kontrata me kompaninë greke “ERGOTEM SA”, është shkëputur nga vetë Krasniqi.

“Kompania është e listuar në BERZ, është kompani serioze, e në ndërkohë ajo kompani s’ka mundur që të performojë shpejtë, ndërsa kryeshefi vetë më datë 20.03.2023 e ka shkëputur kontratën. S’ka bërë asnjë pagesë dhe riparimi ka vendosur që të bëhet me punëtorë të KEK-ut. Kontrata është shkëputur sepse nuk është paguar një garancion në kohë. Kjo është arsyeja dhe prej kësaj kontrate s’ka përfituar askush”, tha ai

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy