Një ‘influencuese’ e përmasave të mëdha është burgosur dje për dy vjet në Egjipt dhe gjobitur me rreth 3000 dollarë për postim të imazheve provokative seksuale në rrjetet sociale Instagram e TikTok.

Salma El-Shimi është burgosur pasi u shpall fajtore për publikimin e “përmbajtjeve të papërshtatshme në rrjetet sociale me qëllim përfitimin financiar”.

Prokurorët e çështjeve komerciale në Aleksandri të Egjiptit urdhëruan policinë ta ndalonte kur Salma ishte në aeroportin e Kairos duke u kthyer nga pushimet në Emiratet e Bashkuara Arabe.

Modelja e njohur e përmasave të bëshme kishte më shumë se 838,000 ndjekës në rrjete e saj të mbushura me foto sugjestionuese, ku shfaqte format e saj në veshje të ngushta apo erotike.

Por autoritetet vendase thanë në akuza se fotot e videot e saj “ofendonin moralin dhe modestinë publike.”

Salma gjithashtu është gjobitur me 3000 dollarë pasi u vlerësua se përmbajtjet e publikuara prej saj dëmtonin vlerat e shoqërisë egjiptiane.

Autoritetet gjithashtu konfiskuan celularët dhe kompjuterët e saj.

Akuzat sugjeronin se aktiviteti saj online mund të klasifikohet si prostitucion për përfitim financiar pasi postimet nxisnin njerëzit të afroheshin te industria e seksit, dhe tani e reja përballet me deri në tre vjet burg.

E ndaluara kishte hasur probleme me autoritetet për arsye të ngajshme dhe në vitin 2020 kur u arrestua teksa pozonte për një set erotik fotografik para piramidës 4,700-vjeçare të Djoser në periferi të Kairos.

Edhe fotografi i saj u arrestua asokohe për veprimet në impjantin e vlerësuar si trashëgimi botërore e UNESCO.

Imazhet kishin sjellë zemërim mes publikuar si dhe zyrtarëve e arkeologëve, që i quanin provokative dhe të parespektshme.

Modelja qëndronte para piramidës së Saqqara me një veshje të ngushtë zbuluese me motive faraonësh dhe me aksesorë të shkëlqyeshëm.

Asokohe sekretari i përgjithshëm i antikiteteve në vend Mostafa Waziri, paraljamëronte dënim të rëndë për këto që tregonte mungesë respekti ndaj trashëgimisë kombëtar.

Por Salma insistonte se ishte vetëm duke promovuar turizmin vendas dhe thoshte se nuk e dinte se po shkelte rregullat.

Veprimet e saj janë të ngjashme me ato të 21 vjeçares Haneen Hossam e cila gjithashtu u burgos për video që “nxisin shthurjen” si dhe për abuzim me të tjera vajza për t’i shfrytëzuar në industrinë e publikimeve online.

Ndalimet janë pjesë e një fushate në Egjipt për ndalimin e përmbajtjeve provokative seksuale në rrjet që konsiderohen si kontradiktore me vlerat e moralet kombëtare.

Hej, hej, hej, erdhi Black Friday me zbritje deri në 75% në Comodita Home

Sponsoruar