Lajme

Dhjetëra të vdekur dhe qindra të plagosur në një rrëmujë në Jemen

Autori: Gazeta inFokus 09:40 | 20 Prill 2023

Të paktën 85 persona vdiqën dhe më shumë se 300 u plagosën në Sanaa, kryeqytetin e Jemenit, gjatë një rrëmuje, njoftoi agjencia franceze e lajmeve AFP.

Aksidenti ka ndodhur në shkollë gjatë shpërndarjes së ndihmave humanitare për Ramazan.

Pamjet në rrjete sociale tregojnë skena kaotike pas incidentit në zonën Bab el Jemen.

-Advertisement-

Reuters raporton se qindra njerëz u mblodhën në shkollë për të marrë donacione që arrinin në rreth nëntë dollarë për person.

Pamje nga objekti ku u shkaktua rrëmuja.
Pamje nga objekti ku u shkaktua rrëmuja.

Numri i të vdekurve dhe të plagosurve po vazhdon të rritet. Informacionet e para thanë se ishin rreh tridhjetë të vdekur në Sanaa, kryeqyteti i Jemenit i kontrolluar nga rebelët Huthi.

Fotografi nga vendi i ngjarjes.
Fotografi nga vendi i ngjarjes.

Agjencia rebele e lajmeve Saba deklaroi se viktimat u transportuan menjëherë në spitalet aty pranë dhe se organizatorët e kësaj ngjarje u arrestuan.

Mes viktimave ka fëmijë dhe gra, ndërsa mësohet se të paktën 50 persona janë aktualisht në gjendje kritike.

Rebelët Huthi të lidhur me Iranin morën kontrollin e kryeqytetit të Jemenit nëntë vjet më parë, duke shkaktuar një ndërhyrje të një koalicioni ushtarak të udhëhequr nga Arabia Saudite për të mbështetur qeverinë.

Që atëherë, lufta në Jemen ka marrë qindra mijëra jetë dhe ka nisur një nga krizat më të mëdha humanitare në botë, në këtë vend që konsiderohet më i varfëri i Gadishullit Arabik.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy