Lajme

Krasniqi takon kandidatët e PDK-së për kryetarë në komunat veriore – kërkon nga Qeveria angazhim për këtë proces

Autori: Gazeta inFokus 15:18 | 19 April 2023

Kryetari i Partisë Demokratike të Kosovës (PDK), Memli Krasniqi, është takuar me kandidatët për kryetarë të komunave veriore – për të cilat të dielën do ta ketë zgjedhje lokale.

Kandidatët e PDK-së janë Taulant Kelmendin, kandidat për Mitrovicën e Veriut, Albulena Behluli-Hetemin, kandidate për Leposaviq, Izmir Zeqirin, kandidat për Zubin Potok dhe Ilir Pecin, kandidat për Zveçan.

”Në këtë takim diskutuam për përgatitjet në lidhje me këtë proces që do të mbahet të dielën, më 23 prill, dhe për gatishmërinë e kandidatëve të PDK-së për të marrë përgjegjësi udhëheqëse dhe për të qeverisur për të gjithë qytetarët, pa dallim, përkundër sfidave për shkak të tensioneve në këtë pjesë të vendit. Ata janë të vendosur që ta kryejnë punën e tyre me përkushtim të paepur dhe për këtë e kanë mbështetjen e plotë timen dhe të PDK-së”, ka shkruar Krasniqi në Facebook, të mërkurën.

-Advertisement-

“Ndonëse procesi i votimit do të organizohet kryesisht nëpër qendra alternative të votimit, ne ftojmë të gjithë qytetarët e Mitrovicës së Veriut, Leposaviqit, Zubin Potokut dhe Zveçanit, të dalin dhe ta shfrytëzojnë të drejtën e tyre të votës për një të ardhme më të mirë për vete dhe familjet e tyre”, ka deklaruar ai.

Situata në Veriun e Kosovës nuk ka qenë e qetë gjatë muajit të fundit, për këtë Krasniqi ka kërkuar nga Qeveria e Kosovës që të mirëmbajnë këtë proces.

”Po ashtu, kërkojmë nga Qeveria e Kosovës dhe institucionet përkatëse të sigurisë, angazhim maksimal për mbarëvajtjen e rregullt të procesit zgjedhor”, ka shkruar ai.

Zgjedhjet në Veri ishte paraparë të mbahen dhjetorin e vitit 2022, por situata ishte e tensionuar dhe ato ishin shtyrë për në prill.

Nevoja për zgjedhje erdhi pasi kryetarët e komunave serbe që ishin nga Lista Serbe kishin dalë nga institucionet e Republikës së Kosovës.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy