Lajme

Ramiqi: Politikanët e përdorin islamin për interesa politike, nuk e di kush është kryeministër në Kosovë

Autori: Gazeta inFokus 21:32 | 18 April 2023

Fuad Ramiqi, ish-drejtues i Lëvizjes Islame “Bashkohu”, duke folur rreth fesë myslimane dhe përdorimit të saj nga politikanët e Kosovës për “interesa” politike, theksoi se nuk e di kush është kryeministër në Kosovë.

Ramiqi është pyetur nga moderatori, Ermal Panduri, nëse edhe kryeministri Albin Kurti, po e përdor për interesa politike islamin? – Ramiqi ka deklaruar se nuk e di kush është kryeministër momentalisht.

“Secili kryeministër e përdor edhe sulmon atë sa i vyen për llojet e veta (fenë islame), ekskluzivisht politike. Çdo kryeministër deri më tani, çdo kryeministër deri më sot, me emër e mbiemër merre e shiko… Nuk e di kush është kryeministër në Kosovë momentalisht”, ka thënë Ramiqi.

-Advertisement-

Ramiqi ka thënë se asnjë popull nuk e përdor fenë e tij më shumë se populli shqiptar.

Ai ka thënë se vetëm populli shqiptar e përdor fenë myslimane për interesa personale.

“Asnjë popull në Ballkan të paktën, unë kam informacione se i njoh mirë asnjëherë nuk ka ardhur në dilema që ta refuzojë ose ta sulmojë dhe ta atakojë besimin e vet, përkundrazi, përpos popullit shqiptar, ekskluzivisht besimin shumicë, fenë myslimane”, është shprehur Ramiqi në “Debat Plus” në RTV Dukagjini.

Po ashtu, Ramiqi ka thënë se këtë e sheh në rrugë, në institucione në debate, “nga të gjithë pseudoelita ose pseudopatriotat ose nacionalistat dhe intelektualët apo edhe evropianët”.

Ndërsa, i pyetur se nëse feja po sulmohet edhe nga kryeministrat ai ka thënë se secili e përdor edhe e sulmon aq sa i vyen për interesat e veta, ekskluzivisht politike.

“Çdo kryeministër deri më sot me emër dhe mbiemër kush ka qenë, e shfrytëzon fenë për interesa politike”, ka deklaruar ai.

Subscribe në YouTube: GAZETA INFOKUSI
Etiketa:
Comodita në Las Vegas Market prezanton linjat e reja të dyshekëve për tregun amerikan
-Advertisement-

Të tjera

Fokusi

lajme