Rozë

Gjesti i turpshëm i Don Xhonit duke thyer sofrën e bukës me çekan, bëhet viral në rrjete sociale

Autori: Gazeta inFokus 16:32 | 17 Prill 2023

Sjellje aspak të hijshme, e gjeste të turpshme po shohim cdo ditë e më shumë nga artistët e këngëtarët kosovarë të cilat edhe po bëhen virale në rrjetet sociale, sidomos në Tik Tok, shkruan Gazeta Infokus.

Një video e tillë e hip hop artistit nga Drenica, Don Xhoni, u bë virale mbrëmë ku pas një ndeje në shtëpinë e tij në shoqëri të muzikës së “Zhutave”, ai thyen një sofër me çekan.

Është pikërisht kjo video me sjellje agresive e të pahijshme që ka marrë vëmendje duke filluar nga mbrëmë por edhe sot gjatë gjithë ditës, duke u shndërruar në lajm e duke u shpërndarë edhe në rrjete të tjera sociale.

-Advertisement-

Një video ku këngëtari shpreh mllefin e agresivitetin e tij ndaj një sofre, ku po ushqehej, dhe të tjerët përreth tij që e përkrahin atë duke qeshur.

Sjellje të tilla nga artistët po shohim vazhdimisht në këtë rrjet social ku si duket dëshira për tu bërë viral po i shtyn ata të bëjnë edhe gjeste të tilla, e sjellje aspak të hijshme.

Një tjetër rast i ditëve të fundit që u bë viral ishte edhe ai i hip hop artistit, Fero, i cili i lidhur drejtpërdrejtë në Tik Tok, ushtron dhunë duke e gjuajtur me papuqe, bashkëshorten e tij, modelen, Arbenita Ismajlin me të cilin tashmë ka disa vite që është martuar dhe kanë edhe një fëmijë./Gazeta Infokus/

Më poshtë mund të ndiqni videon dhe të bëni edhe vetë vlerësimin: