Krasniqi lexon Deklaratën e Pavarësisë që lexoi Thaçi: Ata do duhej të ishin me ne sot
Autori: Gazeta inFokus 12:44 | 17 February 2023
Kryetari i Partisë Demokratike të Kosovës, Memli Krasniqi, ka rikthyer sot në seancën solemne të përvjetorit të 15-të të Pavarësisë së Kosovës, Deklaratën e shpalljes së Pavarësisë që ish-kryeministri Hashim Thaçi e lexoi më 17 shkurt 2008.
“Më lejoni, që duke ndjerë rrahjen e zemrave të stërgjyshërve tanë, unë me nderin dhe privilegjin më të madh, do të lexoj Deklaratën e Pavarësisë së Kosovës. Ne, udhëheqësit e popullit tonë, të zgjedhur në mënyrë demokratike, nëpërmjet kësaj Deklarate, shpallim Kosovën shtet të pavarur dhe demokratik”.
Kryetari i PDK-së, Memli Krasniqi tha se në historinë e Kuvendit të Kosovës, nuk ka fjalë e lajm që është pritur më gjatë.
“Fjalë që peshojnë përherë njëjtë në zemrat e qytetarëve të Kosovës, që përmbledhin një rrugëtim të gjatë historik, një vetëdije të gjerë shoqërore, një kërkesë të drejtë e legjitime politike dhe një aspiratë për t’i dhënë Kosovës emrin e saj të vërtetë: shtet i pavarur e sovran. Çdo 17 Shkurt, kur përsëritet kujtesa e asaj dite historike, e ndjej peshën që kemi pasur të gjithë ne, që fati na zgjodhi për ta nënshkruar Deklaratën e Pavarësisë, si diçka që na mbanë të lidhur për atë rrugëtim e atë vetëdije”, tha Krasniqi.
Kreu i PDK-së tha se historia e Kosovës moderne është e lidhur me emrat e çlirimtarëve që gjenden në Hagë “për të mbrojtur të vërtetën e luftës së UÇK-së, e veçmas me ish-Kryeministrin dhe ish-Presidentin Hashim Thaçi”.
“Hashim Thaçi, Kadri Veseli, Jakup Krasniqi, Rexhep Selimi e bashkëluftëtarë të tjerë, sot janë larg nesh, duke e zhvilluar betejën e fundit, për të vërtetën e luftës sonë për liri. Do të duhej të ishin në këtë sallë bashkë me ne, në një rast solemn si ky që përkujton një ngjarje kaq madhore, protagonistë të së cilës ishin pikërisht ata vetë. E ndonëse ata nuk janë me ne fizikisht, vazhdojnë të mbesin në zemrat e qytetarëve të Kosovës. Dhe duke besuar fuqishëm në drejtësi, nuk kemi as mëdyshje se do të rikthehen si fitimtarë, ashtu siç erdhën dikur, si çlirimtarë. Historia e Kosovës moderne, është e lidhur me emrat e tyre, dhe veçmas me ish-Kryeministrin dhe ish-Presidentin Hashim Thaçi, pa emrin e të cilit, 17 shkurti 2008 si datë dhe shpallja e pavarësisë si ngjarje, nuk mund të kuptohen as si të plota, e as si të sakta”, shtoi Krasniqi.
Ai kujtoi me mirënjohje të gjithë brezat e atdhetarëve që nuk u dorëzuan as përballë Jugosllavisë, as përballë regjimit të Millosheviqit.
“Shaban Polluzha, Adem Demaçi e Ibrahim Rugova, janë shenja të spikatura të kësaj rruge të qartë liridashëse, demokratike e perëndimore, ndaj kontributit të të cilëve, do të jemi përgjithmonë mirënjohës. Por kjo rrugë, ka pasur edhe një epokë kulmore, në të cilën kanë rënë më meritorët e lirisë dhe shtetit tonë. Djem e vajza të këtij populli që u vunë në mbrojtje të atdheut, në radhët e Ushtrisë Çlirimtare të Kosovës, e cila ishte jo vetëm ushtri, por edhe vetëdije. E cila si vetëdije, bashkonte atë çfarë dukej e përçarë, duke i dhënë kuptim e guxim rezistencës tonë kolektive kundër dhunës e okupimit. Të paharruar janë e do të mbesin përgjithmonë dëshmorët e UÇK-së, me heronjtë që i prinë kësaj epoke, në krye me Komandantin Legjendar Adem Jashari”, tha lideri i PDK-së.
Krasniqi uroi që 15 vjetori i shënimit të Pavarësisë të shërbejë si moment reflektimi për t’u përkushtuar në ndërtimin e një të ardhmeje më të mirë për të gjithë qytetarët e Kosovës.
“Ky 15 vjetor, le të na shërbejë si një moment reflektimi për të marrë përgjegjësitë që na takojnë, që Kosova të mos ndalet, as nga rruga, as nga qëllimi, e as nga përpjekja. Ndërsa festojmë këtë ditë të shënuar, le ta ripërtërijmë përkushtimin tonë për të ndërtuar një të ardhme më të mirë për të gjithë qytetarët e Kosovës dhe për të punuar së bashku për vendin tonë. Që të sigurohemi se Kosova do të mbetet e forcohet si shtet i fortë dhe i begatë, si një fanar shprese për qytetarët tanë dhe si një simbol i lirisë dhe demokracisë. Gëzuar Ditën e Pavarësisë!”, tha Memli Krasniqi.
Të tjera
-
Raportohet se Patriarkut Porfirije i është ndaluar hyrja në Kosovë në pikëkalimin e Merdares
Siç shkruajnë mediat në Beograd, autoritetet e Kosovës sot në Merdare nuk ia ...
-
Presidentja me thirrje ndaj qytetarëve: Ju lutem regjistrohuni, përcaktohen të dhëna të rëndësishme
Presidentja e Kosovës, Vjosa Osmani, ka lutur qytetarët e Kosovës dhe ata në ...
-
Tejkaluan në vijë të plotë, Policia në Gjilan ua konfiskon patentë shoferët për tre muaj
Policia e Kosovës në Gjilan ka gjobitur dy shoferë të cilët kanë shkelur rreg...
-
Kalon periudha transitore, serbët në Graçanicë ende përdorin dinarin
Ndonëse ka përfunduar periudha transi...
-
Policia e Prishtinës arreston 131 persona të kërkuar nga gjykata – konfiskon katër thikἀ dhe gjashtë ἀrmë zjarri
Nga zyrtarët policor të rajonit Prishtinës , gjatë javës së kaluar në lokacio...
-
Zyrtare e lartë amerikane viziton Kosovën, në agjendë takimi me Osmanin e Kurtin
Nënsekretarja e Shtetit për Diplomacinë Publike, Elizabeth M. Allen do të udh...
-
Dy eurot false, BQK thotë se janë tërhequr 2.5 milionë monedha të tilla nga qarkullimi
Banka Qendore e Kosovës ka dhënë informacione lidhur me masat dhe aktivitetet...
-
Minatorët mbesin pa paga
Sindikata e Pavarur e Minatorëve të “Trepçës” ka bërë thirrje që të ekzekutoh...
-
Ish-ministrja e AAK-së e kritikon Haradinajn dhe Abdixhikun: Refuzimi i takimit me Kurtin, mungesë gatishmërie për qeverisje
Partitë opozitare, LDK dhe AAK, refuzuan ftesën e kryeministrit Albin Kurti p...
-
Policia e Shqipërisë ofron 30 mijë euro shpërblim për vendndodhjen e këtij personi
Policia e Shtetit ka njoftuar se kanë ndarë një shumë prej 30 mijë eurove shp...
-
BQK nuk përmend ndëshkime, liston efektet që pati plani i zbatimit të rregullores që e heq dinarin
Banka Qendrore e Kosovës ka publikuar një listë të efekteve që thotë se i pat...
-
Dinari vazhdon të përdoret në veri, policia nuk ka marr urdhër për dënime, BQK tregon për efektet e planit
Edhe pse para dy ditësh ka mbaruar periudha transitore e Bankës Qendrore të K...