Avokati i Popullit pranon 30 ankesa për vlerën e koeficientit – çka ndodh me pagat e shkurtit nëse Ligji i pagave dërgohet në Kushtetuese
Autori: Gazeta inFokus 20:11 | 15 February 2023
Hyrja në fuqi e Ligjit të Pagave në sektorin publik dhe miratimi i vlerës së koeficientit ka ngjallur reagime të shumta dhe pakënaqësi te disa sindikata e zyrtarë shtetërorë. Institucioni i Avokatit të Popullit deri tani ka pranuar 30 ankesa kundër këtij ligji.
Deri më tani, Institucioni i Avokatit të Popullit (IAP) ka pranuar 30 ankesa kundër këtij ligji. Nga ky institucion, në një përgjigje me shkrim për Telegrafin, kanë bërë të ditur se ankesa kanë marrë nga Këshilli Prokurorial i Kosovës (KPK), auditorë të brendshëm, zyrtarë komunalë, sindikata, organizata joqeveritare, infermierë e mjekë.
“Ankesat kanë ardhur nga sektorë të ndryshëm, si nga Këshilli Prokurorial i Kosovës, auditorë të brendshëm, zyrtarët komunal të arsimit të Komunës së Prizrenit, Shoqata sindikale e shërbimit sprovues të Kosovës, Instituti Kosovar i Drejtësisë (IKD), infermierët, mjekët që punojnë në Ministrinë e Shëndetësisë, laborantë të lartë mjekësor, Oda e Fizioterapeutëve të Kosovës, sindikata e Policisë së Kosovës, Komisioni Qendror Zgjedhor, Qendra për pajisje të dokumenteve, Shoqata e Instrumentarëve të Kosovës, Komisioni i Pavarur i Mediave, Zyra e Rregullatorit të Energjisë, Ekspertët në Prokurorinë Speciale të Republikës së Kosovës, Autoriteti Rregullator për Shërbimet e Ujit, etj”, thuhet në përgjigjen e tyre.
Tutje, Institucioni i Avokatit të Popullit ka thënë se është duke i trajtuar këto ankesa, dhe po ashtu është duke analizuar ligjin në fjalë.
“Institucioni i Avokatit të Popullit është duke i trajtuar këto ankesa, dhe po ashtu është duke analizuar ligjin në fjalë, dhe pas kësaj, Avokati i Popullit do të del me një qëndrim në lidhje me këtë çështje”.
Ndryshe, të mërkurën Këshilli Gjyqësor i Kosovës dhe Sindikata e Policisë së Kosovës kanë njoftuar se kanë dorëzuar kërkesë tek Institucioni i Avokatit të Popullit për inicimin e procedurës për kontrollin e kushtetutshmërisë së Ligjit për Paga në Sektorin Publik. Ata kanë kërkuar nga ky institucion në kuadër të kompetencave të veta kushtetuese dhe ligjore të ndërmerr veprime të nevojshme për adresimin e kërkesave të tyre në Kushtetuese.
Ligji i pagave është miratuar në fund të vitit të shkuar, ndërsa vlera e koeficientit prej 105 është caktuar më 1 shkurt 2023.
Të enjten e kaluar, Kuvendi i Kosovës ka miratuar në lexim të dytë Projektligjin për ndarjet buxhetore për vitin 2023, ku përfshihet edhe koeficienti prej 105 euro.
Me këtë mundësohet që në mars pagat e muajit shkurt të dalin bazuar në koeficientin e ri.
Por, çka ndodh nëse ligji dërgohet në Gjykatën Kushtetuese?
Lavdim Makshana, hulumtues në Institutin e Kosovës për Drejtësi (IKD), në një prononcim për Telegrafin ka thënë se Institucioni i Avokatit të Popullit ka afat gjashtë muaj që ta dërgojë Ligjin për vlerësim të kushtetutshmërisë në Gjykatën Kushtetuese.
“Instituti i Kosovës për Drejtësi (IKD) një kërkesë tek Avokati i Popullit lidhur me inicimin në Kushtetuese të Ligjit të Pagave, por që deri më tani nuk është marrë ndonjë vendim nga ky i fundit për këtë kërkesë të IKD-së por që nuk është marrë vendim as për kërkesat e institucioneve të tjera për ta dërguar këtë Ligj në Gjykatën Kushtetuese”, ka deklaruar ai.
Tutje, Makshana ka thënë se nëse ligji dërgohet në Gjykatën Kushtetuese atëherë kjo e fundit me një vendim për masë të përkohshme mund ta pezullojë zbatimin e këtij ligji.
“Kjo do të thotë se pagat siç parashihen me këtë ligj nuk do të mund të ekzekutohen deri sa kjo Gjykatë të nxjerrë një vendim meritor për tërësinë e Ligjit. Vendimi për masë të përkohshme mund të nxjerrët sipas detyrës zyrtare nga gjykata ose me kërkesë të Avokatit të Popullit”, është shprehur ai duke shtuar se ky vendim mund të merret me qëllimin për të evituar rreziqe ose dëme të pariparueshme, ose nëse marrja e këtyre masave të përkohshme është në interes publik.
Sipas tij, ekziston edhe mundësia që Gjykata Kushtetuese të vlerësojë nëse nenet e caktuara të këtij ligji janë në kundërshtim me Kushtetutën dhe mund t’i shfuqizojë ato, ndërsa ligjin mund ta lë në fuqi.
“Në të kaluarën ka pasur raste kur kjo gjykatë ka anuluar vetëm nene të caktuara të një Ligji, shembull konkret ka qenë Rregullorja e Kuvendit dhe Ligji për Zyrtarët Publik. Problematika qëndron se nëse nene të caktuara janë në kundërshtim me kushtetutën dhe cenojnë tërësinë e Ligjit, atëherë Ligji me shumë mundësi do të anulohet nga Gjykata Kushtetuese”, ka përfunduar ai.
Me ligjin e ri, paga më e lartë do të jetë rreth 1900 euro, ajo e presidentit.
Të tjera
-
Krasniqi del nga takimi me Kurtin, insiston në mbajtjen e zgjedhjeve të jashtëzakonshme
Ka përfunduar takimi mes kryeministrit të vendit, Albin Kurti dhe kryetarit t...
-
Rasti Subvencionet 5 / Gjykata merr vendim ndaj 10 personave të akuzuar
Gjykata Themelore në Prishtinë – Departamenti Special ka shpallur Aktgjykimi...
-
Vuçiq nuk shkon në Kotor ku mbahet takimi i liderëve të rajonit, Kurti ka konfirmuar pjesëmarrjen
Presidenti serb, Aleksandar Vuçiq ka thënë se nuk do të marrë pjesë në samiti...
-
Lladrovci fton qytetarët të regjistrohen: Regjistrimi Juaj, i jep vlerë edhe komunës edhe Kosovës!
Kryetari i komunës së Drenasit, Ramiz Lladrovci, ka ftuar qytetarët e komunës...
-
Kjo zonë në Kosovë në të ardhmen mund të gjenerojë tërmete të fuqishme
Ministria e Ekonomisë ka dalë me detaje për tërmetin e sotëm që goditi Kosovë...
-
Dënohen dhe dëbohen dy rusët e ndaluar në veri të Kosovës
Dy shtetasit rusë, që janë ndaluar ditë më parë nga autoritetet e Kosovës për...
-
Policia gjatë një bastisje në Leposaviq gjenë narkotik, ar*më zjarri dhe municion
Drejtoria për Hetimin e Trafikimit me Narkotik gjatë një bastisje në Mitrovic...
-
Ahmetaj: Kurti e ka sjellë vendin në një situatë pa krye
Nënkryetarja e PDK-së, Mimoza Ahmetaj, tha se kryeministri Albin Kurti e ka s...
-
Haradinaj në Prizren, viziton fabrikën që eksporton jashtë vendit: Ky është shembull suksesi i krijuar me djersë, e Kryeministri kënaqet me “Petët e Atiqit”
Kryetari i Aleancës për Ardhmërinë e Kosovës (AAK), Ramush Haradinaj, ka vizi...
-
Nis takimi mes Kurtit dhe Krasniqit
Albin Kurti dhe Memli Krasniqi kanë nisur takimin dy palësh. Kreu i PDK’së...
-
Haziri: Pas 16 majit, Kosova politikisht nuk do të jetë më e njëjtë
Nënkryetari i LDK-së, Lutfi Haziri, ka thënë se “Kosova politikisht nuk është...
-
LAJMI I FUNDIT: Tërmet në Malishevë
Pasditen e së hënës ka ndodhur një tërmet në zonën e Malishevës. Siç rapor...