Trajkoviq: Serbët i nxori nga institucionet mafia e Vuçiqit që i kishte “integruar”
Autori: Gazeta inFokus 16:46 | 11 February 2023
Politikanja serbe, Rada Trajkoviq, ka thënë se presidenti serb Aleksandar Vuçiq “përdori mafinë për të integruar me forcë” serbët nga veriu në institucionet e Prishtinës.
Sipas saj, Vuçiq nuk ka vendosur që serbët të tërhiqen nga institucionet e Kosovës për shkak të interesave serbe, por sepse “mafia nuk mund të përfitonte më”.
“Kudo që punonin mafia dhe njësitë paraushtarake, serbët zhdukeshin. Është urgjente qetësimi i situatës së sigurisë dhe më pas dialogu”, tha ajo për mediumin serb “Nova.rs”, transmeton Gazeta Express.
“Dhe atë mafi e udhëhiqte Milan Radoiçiq. Ajo mafi përdori metoda të ndryshme shtrëngimi për t’i bërë serbët të pranonin të ishin pjesë e institucioneve të Kosovës. I detyruan serbët që të bëhen gjyqtarë që betohen para Thaçit, të kenë një forcë policore plotësisht besnike ndaj Prishtinës dhe të nënshkruajnë obligimin e besnikërisë ndaj Republikës së Kosovë në pushtetet lokale”, thotë Trajkoviq.
Ajo thekson se serbëve u është bërë dëm i madh nga kjo sjellje.
“Kur mafia përpiqet të integrojë serbët, përfundon ashtu siç bëri. Në një ditë, kur mafia e ndjeu se nuk mund të fitonte më përmes këtyre institucioneve dhe me një mënyrë të tillë funksionimi, i tërhoqi. Vuçiq nuk i tërhoqi për shkak të interesave serbe, por sepse filloi kontrolli më i madh mbi atë që po bënin. Në veri kanë bërë disa ‘Jovanjica’ si ato të Koluvisë, kështu që u mbyll. Epo, ka pasur punë me kriptovalutat… Në fakt aty nuk ka pasur asgjë të shëndetshme, nëse flasim për zhvillimin dhe përmirësimin e pozitës së serbëve”, thekson Rada Trajkoviq.
Ajo tha se dëshiron të paralajmërojë opinionin se presidenti i Serbisë, duke e sulmuar atë, po përpiqet, siç thotë ajo, sërish t’i ofrojë Milan Radoiçiqit dhe bashkëpunëtorëve të tij si njerëz që do të disiplinojnë serbët në veri të Kosovës dhe do të punojnë në zbatimin e propozimit franko-gjerman.
“Ai tani po e ofron për ta liruar atë nga të gjitha ato që akuzohej dhe dyshohej para gjykatave të Kosovës dhe për të cilat akuzohet nga administrata amerikane. Nëpërmjet Radoiçiqit dhe Zvonko Veselinoviqit, Vuçiq në thelb e shfuqizon Ana Bërnabiqin, sepse ajo është zyrtarisht punëdhënësja e tyre kryesore. Ata janë bërë milionerë dhe është ajo që financon projektet e tyre më fitimprurëse në Serbi dhe falë këtij pozicioni, të dy mund të bëjnë çfarë të duan. Duke shfuqizuar Ana Bërnabiq Vuçiq, në të njëjtën kohë shfuqizon veten e tij – ai është një sistem i lidhur. Në rrethana të tilla më perceptojnë si një person që paralajmëron se mafia nuk duhet të punojë më në procese integruese, sepse nuk është e shëndetshme për popullin tim”.
“Kudo që ka punuar mafia, ku kanë punuar ato formacione paramilitare, aty janë zhdukur serbët. Kur brigadat e Sheshelit dhe kapiten Draganit i mbrojtën serbët në Krajina, kjo përfundoi fatalisht për popullin tonë. Prandaj mendoj se është e nevojshme të punohet me forca të shëndosha dhe normale të serbëve, të cilët do ta zgjidhin thelbin e problemit dhe do të merren me mbijetesën e popullit serb në atë zonë. Besoj se kemi ende kohë për të organizuar jetën dhe cila është e ardhmja jonë”.
Të tjera
-
Hovenier: Po kërkojmë nga Kosova veç ta dërgojë në Kushtetuese draftin për Asociacionin – do ta respektojmë vendimin
Ambasadori i ShBA-së në Kosovë, Jeffrey Hovenier, ka folur për çështjen e anë...
-
Kuvendi nesër me tjetër seancë me vetëm një pikë të rendit të ditës
Kuvendi i Kosovës nesër do të mbajë seancën e radhës plenare duke filluar nga...
-
Tërmet në Turqi
Turqia është goditur sot nga një tërmet. Raportohet se fuqia e dridhjes is...
-
Tahiri i PDK-së: Vetëm ushqimi e dallonte darkën me Kurtin dhe punën që zakonisht e bëjmë në Kuvend
Dy orë do të zgjaste takimi mes dy kundërshtarëve politikë, Albin Kurtit e Me...
-
Osmani për rezolutën e Srebrenicës: Mohimi i gjeno*idit nuk do ta hapë kurrë rrugën drejt paqes
Presidentja e Kosovës Vjosa Osmani, ka reaguar ndaj rezolutës së OKB-së që e ...
-
Katër të dyshuar mashtruan një person, ia morën 90 mijë euro
Policia ka bastisur dy lokacione, një në Prishtinë dhe një në Gjakovë, pasi d...
-
Vuçiqit iu kërkua ta heqë flamurin serb pasi u mbështoll me të, refuzoi: Askush s’ma merr atë
Gjatë dhe pas votimit të rezolutës për Srebrenicën, presidenti i Serbisë, Ale...
-
LDK: Votimi i rezolutës për gjeno*idin në Srebrenicë në OKB, është vulë për k*imet e Serbisë
Lidhja Demokratike e Kosovës, ka reaguar ndaj miratimit të rezolutës për Sreb...
-
Vuçiqi bën filma pasi kaloi rezoluta mbi gjenocidin në Srebrenicë, mbështillet me flamurin serb
Presidenti i Serbisë, Aleksander Vucic, sot është munduar që të ofrojë argume...
-
Njihuni me 12 vjeçarin nga Suhareka, i cili kujdeset çdo ditë për dhitë e tij- “Kam shumë qef me i ndihmu familjes”
Në fshatin Duhël të Komunës së Suharekës, jeton 12 vjecari Bislim Graishta, i...
-
Kosova anëtarësohet në Këshillin Evropian për Mjekësi Ligjore
Ministrja e Drejtësisë ka bërë të ditur se Kosova është pranuar pranuar në Kë...
-
Miratohet rezoluta, OKB njeh gjeno*idin serb në Srebrenicë
Me 84 vota pro ka kaluar Rezoluta për Srebrenicën në mbledhjen e Asamblesë së...