Bashkëpunimi më i mirë ndonjëherë mes dy ushtrive shqiptare
Autori: Gazeta inFokus 21:39 | 03 January 2023
Flasin të njejtën gjuhë, por ju përkasin dy ushtrive të dy shteteve të ndryshme. Në trup mbajnë uniforma e emblema që pak dallojnë, janë këta ushtarët e Forcave të Sigurisë së Kosovës dhe Forcave të Armatosura të Shqipërisë.
Njëra pjesë e NATO-s e tjetra e ka synim kryesor anëtarësimin në aleancën më të fortë ushtarake në botë, përderisa bashkë takimet i kanë të shpeshta e bashkpunimin shembullor.
Fort i kënaqur me gjithcka që dy ushtritë kanë transmetuar tek njëra tjetra në vitin që e lamë pas, shprehet numri dy i FSK-së, Gjenerali Enver Cikaqi.
“E kemi një memorandum bashkëpunimi mes Ministrisë sonë dhe Ministrisë së Mbrojtjes së Republikës së Shqipërisë dhe në këtë drejtim kemi vendosur të gjitha aktivitetet e nevojshme të cilat duhet të realizohen bashkë me ushtrinë shqiptare”, ka thënë Cikaqi.
Shumë të kënaqur me bashkëpunimin me Forcën e Sigurisë së Kosovës, janë Ministria e Mbrojtjes e Shqipërisë.
Madje ata nuk e kanë harruar ndihmën që FSK u dha në vitin 2019, kohë kjo kur Shqipëria u godit nga një tërmet i fuqishëm.
Ndërkohë në një përgjigje për RTV Dukagjinin, nga Ministria e Mbrojtjes e Shqipërisë, tregojnë edhe fushat e bashkëpunimit që kanë me ushtrinë e Kosovës.
“Ne fushën e edukimit dhe trajnimit, FARSH dhe FSK kane mbështetur njëra tjetrën me bursa studimi për studentë ushtarakë/kadetë për programet e ciklit të parë Bachelor, sikundër edhe me bursa në kurse institucionale që kontribuojnë në zhvillimin e karrierës dhe formimit profesional të ushtarakëve të të dy institucioneve, si oficerë ashtu edhe nënoficerë. Ndërsa në fushën e trajnimeve, spektri ka qenë akoma më i gjerë dhe përfshinë st137rvitje të përbashkëta në nivele të vogla taktike, stërvitje të shtabeve të njësive/reparteve taktike, trajnime të përbashkëta në nivel instruktorësh apo operatorësh të forcave speciale, EOD, komando, mbështetje me zjarr, snajper etj.”, thuhet nga Ministria e Mbrojtjes së Shqipërisë.
Këtë bashkëpunim e vlerëson lart edhe gjenerali i FSK, Enver Cikaqi.
Sipas tij përparësi e FSK-së, është përvoja që FARSHI tashmë e ka në NATO.
“Jemi duke i përdorur edhe ato përvojat e tyre por në të njëjtën kohë ata e ofrojnë edhe jo vetëm përparësitë e procesit të integrimit në NATO por, edhe pjesën e mangësive me të cilat ata janë ballafaquar gjatë procesit”, ka shtuar Cikaqi.
E i fuqishëm vjen zotimi nga Shqipëria se do të qëndrojnë krahë Kosovës, deri kur pjesë e NATOS të arrijë të bëhet edhe kjo e fundit.
“Shqipëria qëndron në krah të Kosovës në rrugëtimin e saj për në NATO si dhe është një avokate e palodhur e interesave dhe integrimit të saj në nismat rajonale. Shqipëria vijon të mbetet një mbështetëse e fortë e politikës së dyerve të hapura dhe fqinjësisë së mirë më të gjitha shtetet e rajonit. Sigurisht qe përpjekjet për të dhënë ndihmën maksimale për integrimin e FSK dhe Kosovës në strukturat Euro-Atlantike nuk do të rreshtin kurrë”, thuhet në njoftimin e Ministrisë.
Dikur ish komandanti i FSK-së Gjeneral Kadri Kastrati thotë se e gëzon fakti që bashkëpunimi mes dy ushtrive po forcohet dita ditës.
“Jemi dy shtete. por jemi në një komb dhe jemi fqinj, këtu fqinji ynë i parë dhe normal vëllezërit tanë. Dhe unë e përshëndes një ushtri të tillë dhe i inkurajoi që në të ardhmen të organizojnë ushtrime edhe më të mira, më të komplikuara dhe pse jo të shkojnë në misionet paqeruajtëse”, u shpreh Kastrati.
Ushtrimi i fundit i përbashkët i dy ushtrive u realizua në shtator të vitit 2022.
Të tjera
-
Osmani për rezolutën e Srebrenicës: Mohimi i gjeno*idit nuk do ta hapë kurrë rrugën drejt paqes
Presidentja e Kosovës Vjosa Osmani, ka reaguar ndaj rezolutës së OKB-së që e ...
-
Katër të dyshuar mashtruan një person, ia morën 90 mijë euro
Policia ka bastisur dy lokacione, një në Prishtinë dhe një në Gjakovë, pasi d...
-
Vuçiqit iu kërkua ta heqë flamurin serb pasi u mbështoll me të, refuzoi: Askush s’ma merr atë
Gjatë dhe pas votimit të rezolutës për Srebrenicën, presidenti i Serbisë, Ale...
-
LDK: Votimi i rezolutës për gjeno*idin në Srebrenicë në OKB, është vulë për k*imet e Serbisë
Lidhja Demokratike e Kosovës, ka reaguar ndaj miratimit të rezolutës për Sreb...
-
Vuçiqi bën filma pasi kaloi rezoluta mbi gjenocidin në Srebrenicë, mbështillet me flamurin serb
Presidenti i Serbisë, Aleksander Vucic, sot është munduar që të ofrojë argume...
-
Njihuni me 12 vjeçarin nga Suhareka, i cili kujdeset çdo ditë për dhitë e tij- “Kam shumë qef me i ndihmu familjes”
Në fshatin Duhël të Komunës së Suharekës, jeton 12 vjecari Bislim Graishta, i...
-
Kosova anëtarësohet në Këshillin Evropian për Mjekësi Ligjore
Ministrja e Drejtësisë ka bërë të ditur se Kosova është pranuar pranuar në Kë...
-
Miratohet rezoluta, OKB njeh gjeno*idin serb në Srebrenicë
Me 84 vota pro ka kaluar Rezoluta për Srebrenicën në mbledhjen e Asamblesë së...
-
Dy të lënduar në aksidentin e réndé në rrugën Fushë Kosovë-Prishtinë
Një aksident i rëndë trafiku ka ndodhur në rrugën Fushë Kosovë – Prishtinë, e...
-
Rrokulliset një veturë, aksident i réndé në rrugën Fushë Kosovë-Prishtinë
Një aksident i rëndë trafiku ka ndodhur në rrugën Fushë Kosovë – Prishtinë. ...
-
Specialja merr vendimin për vazhdimin e paraburgimit për Pjetër Shalën
Në Dhomat e Specializuara të Kosovës (DhSK) në Hagë është marrë vendim për va...
-
Nis bashkëpunimi serioz dhe strategjik midis Comodita dhe JYSK International
Në ambientet e fabrikës Comodita, kanë qëndruar përfaqësuesit e kompanisë së ...