Gazetarët e “New York Times” në grevë 24-orëshe
Autori: Gazeta inFokus 15:04 | 09 December 2022
Qindra gazetarë dhe punonjës të tjerë të së përditshmes amerikane, “New York Times”, kanë hyrë të enjten në grevë, për herë të parë në më shumë se 40 vjet
Gazetarët dhe anëtarë të tjerë të sindikatës së Nju Jorkut NewsGuild thonë se u ka humbur durimi nga zvarritja e negociatave për një marrëveshje, që kur kontrata e tyre skafuan në mars të vitit 2021.
Sindikata NewsGuild , që përfaqëson punonjësit që janë në grevë, njoftoi javën e shkuar se 1100 punonjës do të hynin në grevë nga mesnata e të enjtes nëse palët nuk arrinin një marrëveshje për kontratat e tyre.
NewsGuild njoftoi të enjten në mëngjes në Twitter se “punonjësit ishin në grevë, e para prej 40 vjetësh”. Sindikata tha se “vendimi për të refuzuar për të punuar nuk është i lehtë, por anëtarët tanë do të bëjnë gjithçka duhet për një redaksi më të mirë lajmesh për të gjithë”.
Negociatat u zhvilluan të martën e të mërkurën, por palët nuk arritën të bien dakord mbi çështje që përfshinin pagat, politikat e punës në distancë dhe sistemin e vlerësimit të punonjësve të kompanisë, që sindikata thotë se diktohet nga paragjykimet racore.
Të mërkurën në mbrëmje sindikata njoftoi në Twitter se dështimi i marrëveshjes i hapte rrugë grevës.
“Ishim të gatshëm të punonim aq sa të ishte e nevojshme për të arritur një marrëveshje të drejtë,” tha sindikata, “por drejtuesit e kompanisë u larguan para 5 orësh. Ne e dimë vlerën që kemi,” shtoi sindikata.
Por zëdhënësja e gazetës “New York Times”, Danielle Rhoades Ha, tha se palët ishin ende në negocime kur kompania u njoftua se greva do të kryhej. “Është zhgënjyese që ata po ndërmarrin një akt kaq të skajshëm”.
Zonja Rhoades Ha i tha agjencisë “Associated Press” se kompania është e përgatitur të vazhdojë pasqyrimin e lajmeve, duke u mbështetur tek korrespondentët ndërkombëtarë dhe gazetarë të tjerë që nuk janë anëtarë të sindikatës.
Redaktori ekzekutiv i gazetës, Joe Kahn i dërgoi një email redaksisë së lajmeve të enjten ku shkruante se publikimi i gazetës ditën e enjte do kishte një përmbajtje “të fortë”, por përgatitja e lajmeve do ishte “më e vështirë se zakonisht”, njoftoi vetë gazeta në artikullin e saj për grevën.
Në një njoftim dërguar stafit të martën mbrëma, zëvendës redaktori i përgjithshëm Cliff Levy e quajti grevën e planifikuar “për t’u habitur” dhe “një moment shqetësues mes negociatave mbi një kontratë të re.” Ai tha se kjo do të ishte greva e parë e sindikatës që nga viti 1981 dhe “kryehej pavarësisht përpjekjeve të kompanisë për të arritur një marrëveshje”.
Por në një letër javën e kaluar, të nënshkruar nga më shumë se 1,000 punonjës, sindikata NewsGuild tha se drejtuesit kanë “tërhequr këmbët zvarrë” për gati dy vjet dhe se “koha për të arritur një kontratë të drejtë” deri në fund të vitit po mbaronte.
Sipas sindikatës, kompania u kishte thënë punonjësve qe do të hynin në grevë se nuk do të paguheshin ditën e protestës. Atyre iu kërkua gjithashtu të punonin me orë shtesë në mënyrë që të linin çdo gjë gati para grevës.
Në vitet e fundit gazeta “New York Times” është përballur me disa protesta, e fundit, protesta gjysmë ditore në muajin gusht nga punonjësit e teknologjisë që pretenduan praktika të padrejta pune. Greva e fundit që shkaktoi ndërprerjen e publikimit të gazetës ndodhi në 1978 dhe zgjati 88 ditë./VOA
Të tjera
-
Osmani kujton Betejën e Çabratit: Vendosja e drejtësisë është angazhim i yni i vazhdueshëm
Beteja e Çabratit paraqet stoicizmin e vajzave dhe djemve të Brigadës 137 “Gj...
-
I dyshuari që dhu*noi se*ksua*lisht për një vit 14 vjeçaren nga Ferizaj dyshohet se ishte zyrtar i Policisë së Kosovës
Herën e parë e kishte dhunuar në Autobus. E më pas për një vit rresht 59 vjeç...
-
Kosova të bëjë gjithçka që është e mundur që ta sigurojë mbështetjen e Komitetit të Ministrave
Kryeministri i Shqipërisë, Edi Rama, e ka mirëpritur vendimin e BE-së për mir...
-
Kurti: Kosova ka nevojë për një qeverisje efikase që i përmbush nevojat e qytetarëve
Kryeministri i Kosovës, Albin Kurti ka thënë se administrata publike ësht...
-
Ambasada britanike: Kosova të bëjë gjithçka që është e mundur që ta sigurojë mbështetjen e Komitetit të Ministrave
Në Strasburg sot zëvendësministrat e Jashtëm të vendeve anëtare janë duke bër...
-
ASK i bën thirrje qytetarëve që të regjistrohen: Është obligim ligjor
Agjencia e Statistikave e Kosovës i ka bërë thirrje qytetarëve që ta shfrytëz...
-
”Elektrosever” nis instalimin e njehsorëve inteligjentë në veri
Kompania “Elektrosever” do të fillojë instalimin e njehsorëve të rinj intelig...
-
Përparim Rama: Deri në transformim, ish-ndërtesa e Gërmisë do të shërbejë për ekspozita
Kryetari i Komunës së Prishtinës, Përparim Rama, ka publikuar pamje nga punim...
-
Selmanaj: Kam dëgjuar se në burgun e Dubravës po u duhet të presin nga 10 ditë për t’u pastruar
Deputeti nga radhët e Lidhjes Demokratike të Kosovës, Driton Selmanaj, tha se...
-
Raporti i Borell për çështjen e masave ndaj Kosovës në përfundim e sipër, pritet t’u dorëzohet shteteve
Zëdhënësi i Bashkimit Evropian, Peter Stano, ka thënë se Brukseli zyrtar e ka...
-
Mblidhen zëvendësministrat në Strasburg, s’dihet nëse Kosova është agjendë
Në Strasburg, sot pritet të takohen zëvendësministrat e Jashtëm të vendeve an...
-
23 vjeçari nuk respektoi masën mbrojtëse, Policia në Ferizaj ia konfiskon veturën dhe e gjobitë me 500 euro
Policia e Kosovës ka gjobitur një shofer të moshës 23-vjeçare në Ferizaj, meq...