Lajme

Von Der Leyen me fjalë të mëdha pas takimit me Osmanin: Kosova ka bërë reforma të thella

Autori: Gazeta inFokus 10:39 | 27 October 2022

Shefja e Komisionit Evropian, Ursula von der Leyen po qëndron në Kosovë dhe ka takuar sot presidenten e vendit, Vjosa Osmanin, shkruan Gazeta Infokus.

Von der Leyen pas takimit në një konferencë për media tha se Kosova ka shënuar progres të madh në shumë aspekte dhe se kjo është treguar edhe në raportin e fundit të progresit.

“Është shumë mirë të kthehem sot këtu në Prishtinë dhe të ju shoh sërish. Patëm një takim shumë të mirë me biseda intensive që Kosova ka bërë shumë progres është shumë e vërtet. Ju keni punuar shumë, e di që vendi juaj vazhdon të demonstrojë një përkushtim të madh për rrugëtimin evropian. Ju keni treguar sërish mbështetje të plotë dhe përkushtim me përkrahjen e masave që BE-ja mori kundër Rusisë për luftën në Ukrainë. Ju jeni duke bërë reforma të mëdha dhe e di që kjo është e lehtë të thuhet por e vështirë të bëhet dhe me të vërtet ju përgëzoj për këtë”, ka thënë ajo.

-Advertisement-

Po ashtu shefja e komisionit ka thënë se Kosova ka bërë progres edhe në luftimin e korrupsionit.

“Dhe kjo punë që Kosova ka bërë është përfshirë edhe në raportin tonë të fundit, që është shumë pozitiv për Kosovën. Përpjekjet tuaja për të forcuar demokracinë dhe sundimin e ligjit janë njohur dhe ju po ashtu keni bërë shumë progres edhe në luftimin e korrupsionit kështu që kjo është shumë e mirë. Ju po ndërtoni hap pas hapi jo vetëm këtë por edhe forcim në tregun e punës. Kjo pjesë është e njohur po ashtu lartë nga Komisioni i BE-së dhe tregon se keni punuar fort”, ka thënë ajo./Gazeta Infokus/

Subscribe në YouTube: GAZETA INFOKUSI
BKT Kosova vlerësohet për herë të katërt "Banka e Vitit 2024 në Kosovë" nga The Banker
-Advertisement-

Të tjera

Fokusi

lajme