‘Kojshi hajde n’kafe’ bashkon shqiptarë e serbë mbi Urën e Ibrit
Autori: Gazeta inFokus 16:30 | 29 September 2022
Ura që simbolizon pikën më të nxehtë në vend, me më shumë se 1 mijë incidente mbi supet e saj që nga paslufta, sot ka ndryshuar krejtësisht pamjen, duke bashkuar të rinjtë e të gjitha komuniteteve të Mitrovicës dhe më gjerë, të cilët së bashku shijuan kafenë, muzikën dhe bisedat e këndshme
Kjo falë festivalit ‘Mitrovica Coffe Fest 2022’ i cili nën slloganin ‘Kojshi hajde n’kafe’, u organizua nga organizata joqeveritare ‘Community Building Mitrovica’ (CBM), në kuadër të aktiviteteve për pajtim dhe transformim të konfliktit.
Përveç të rinjve dhe qytetarëve të moshave e gjinive të ndryshme, në këtë ngjarje morën pjesë edhe përfaqësues të institucioneve lokale nga jugu e veriu i qytetit, si dhe përfaqësues të ambasadave të ndryshme në Kosovë.
Afërdita Shehu, drejtoreshë e organizatës CBM, bëri të ditur për KosovaPress, se qëllimi i këtij festivali është që të rinjtë, por edhe qytetarët e tjerë pa dallim, të pinë kafe së bashku dhe t’i harrojnë brengat e përditshme, për të cilat tha se Mitrovica i ka të shumta.
“Qëllimi i festivalit është që sot të pimë kafe të gjithë së bashku pa dallim etnie, race, gjinie, dhe ti harrojmë brengat e përditshme që Mitrovica i ka të shumta…Vendin ku jemi e kemi zgjedhur me qëllim që të tregojmë se urat nuk janë që na ndajnë por na bashkojnë”, tha drejtoresha Shehu.
Milica Jakovleviq, menaxhere e këtij projekti, tha se dëshiron të shoh të rinjtë e të gjitha komuniteteve duke bashkëpunuar në realizimin e ëndrrave të tyre.
“Vërtetë kisha dëshiruar të shoh të rinjtë e të gjitha komuniteteve, jo vetëm shqiptare e serbe të Kosovës, duke punuar në përmbushjen e iniciativave dhe ëndrrave të tyre të përbashkëta dhe të kënaqen për çdo ditë”, theksoi Jakovleviq.
Millosh Golluboviq, qytetar nga veriu i Mitrovicës, u shpreh se ngjarje të tilla në Kosovë janë më se të nevojshme dhe duhet të organizohen sa më shumë.
“Ngjarje të tilla në Kosovë janë të nevojshme dhe duhet të organizohen sa më shumë, në mënyrë që të rinjtë mes vete të arrinë zgjidhje të cilat mund të jenë të mira për të gjithë që jetojnë në Kosovë”, tha Golluboviq.
Edhe Edi Lahi, nga jugu i qytetit të Mitrovicës, e vlerësoi ngjarjen si shumë të nevojshme, sidomos tani, kur siç tha ai, situata politike nuk është e mirë.
“E vlerësoj këtë ngjarje si shumë të nevojshme sidomos tash kur situata politike nuk është edhe aq e mirë. Është një mundësi shumë e mirë që ne komunitetet e ndryshme të socializohemi mes vete dhe të kalojmë kohë bashkë”, tha ai.
Ndërkaq, Aida Callakoviq, nga komuniteti boshnjak që ishte pjesëmarrëse në këtë event, tregoi se është hera parë që ka parë ngjarje të tillë, duke thënë se është diçka jashtëzakonisht e bukur.
“Për mua është hera e parë që shoh diçka të tillë, është jashtëzakonisht ngjarje e bukur, janë mbledhur të rinjtë…Porosia ime për të rinjtë është që të dëgjojnë muzikë, të shoqërohen, të pijnë kafe së bashku, dhe të kënaqen në jetë sikur bëjnë të gjithë”, u shpreh Callakoviq.
Në anën tjetër, Arian Tahiri, nënkryetar i komunës së Mitrovicës, falënderoi organizatorin për një ngjarje të tillë të cilën e quajti ide të shkëlqyeshme.
Sipas tij, ngjarjet e tilla janë të rëndësishme edhe për faktin se kontribuojnë që politika të vihet në plan të dytë dhe në pah të vendosen elementet të cilat bashkojnë qytetarët, siç janë kultura, arti, sporti dhe të ngjashme.
“Është një organizim i shkëlqyeshëm për çka dua ta falënderoj organizatorin, si ide është e shkëlqyeshme gjithashtu sepse krijon mundësi bashkëpunimi në mes të qytetarëve të Mitrovicës pa dallim kombësie…Është e rëndësishme edhe për faktin se në një formë po kontribuon që politika të vendoset në rend të dytë dhe në pah të vendosë elementet tjera të cilat i bashkojnë njerëzit, siç janë kultura, arti, sporti, por edhe elementet tjera”, potencoi Tahiri.
Ndryshe, ky aktivitet që do të zgjasë sot deri në orët e vona të mbrëmjes, u mbështet nga populli amerikan përmes USAID-it në Kosovë, në partneritet me ‘Youth Initiative for Human Rights’ (YIHR) dhe ‘New Social Initiative’.
Të tjera
-
Kurti, QUINT-it: Dialogu dhe anëtarësimi në KiE nuk duhet të përzihen
Kryeministri i Kosovës, Albin Kurti, i shoqëruar nga zëvendëskryeministri i p...
-
Lavrov flet në telefon për Kosovën me Bërnabiqin, Daçiqin e Gjuriqin
Ministri i Punëve të Jashtme të Rusisë Sergej Lavrov ka biseduar në telefon ...
-
Menduh Thaçi për Taravarin: Po a e dini sa ka vjedhë ai?
Menduh Thaçi i PDSH-së tha se ish-kandidati për president Arben Taravari “ka ...
-
Kurti takoi sot shefin e OSBE-së në Kosovë dhe ambasadorin e Zvicrës
Kryeministri Albin Kurti, ka mirëpritur gjatë ditës së sotme shefin e OSBE-së...
-
Lladrovci për Luan Haradinajn: Luani i UÇK-së, shtigjet e lirisë i njihte cep më cep, si fletë të historisë, ai i dinte përmendësh
Kryetari i Komunës së Drenasit, Ramiz Lladrovci dhe bashkëluftëtar të tjerë k...
-
Maqedonci: Evropa duhet të jetë e gatshme ndaj kërcënimeve të Rusisë
Delegacioni i Kosovës i udhëhequr nga zëvendëskryeministrja dhe ministrja e P...
-
Ngriten çmimet e paketave turistike në Shqipëri, operatorët fajin ia lënë kursit të euros
Paketat turistike për këtë sezon veror pritet të jenë më të shtrenjta krahasu...
-
Zhduket 30 vjeçarja nga Ferizaj – familjarët kërkojnë ndihmë, Policia në kërkim të saj
Mëngjesin e së hënës është zhdukur një vajzë 30 vjeçare nga Ferizaj. Lajmi u ...
-
DASH: Escobar nuk është shkarkuar, emërohet në një pozitë tjetër
Ndihmës sekretari amerikan i Shtetit Gabriel Escobar nuk është shkarkuar nga ...
-
Ish-koloneli i policisë: Bandat serbe po e vazhdojnë strategjinë e tyre me sulmet ndaj PK-së dhe KFOR-it
Rrahman Sylejmani, ish-kolonel i Policisë së Kosovës, ka thënë se sulmet që p...
-
“Kemi bërë 4 arkivolë, nusen do e përcjellim me 3 fëmijët”, flet vëllai i Edison Arrazit: Nuk është ushtruar dhunë…
Flet Edison Arrazi, vëllai i të dyshuarit Erdgys Arrazi: Është një ngjarje sh...
-
Gërvalla: Paqja në Evropë mund të sigurohet vetëm duke ndalur të gjithë së bashku Rusinë dhe Serbinë
Duke diskutuar rreth temës “Siguria Rajonale – Sfidë për Evropën”, bashkë me ...