Sport

Chelsea në kërkim të pasuesit të Chilwell, një francez në “pole position”

Autori: Gazeta inFokus 14:07 | 29 Dhjetor 2021

Ben Chilwell pësoi një dëmtim të rëndë në ndeshjen e Champions League mes Chelsea dhe Juventusit. Mbrojtësi i majtë do të kryejë një operacion në ligamentin e kryqëzuar dhe sezoni mund të cilësohet i mbyllur për 25-vjeçarin.

Një lajm i keq ky për Thomas Tuchel, i cili ka vetëm Marcos Alonson në krahun e majtë të mbrojtjes. Drejtuesit e kampionëve në fuqi të Europës kanë nisur nga puna për gjetjen e një alternative për spanjollin.

Në skenë ka dalë emri i Lucas Digne, i cili është pjesë e Evertonit prej vitit 2018. Chelsea tenton ta marrë në huazim deri në fund të sezonit dhe së shpejti do të fillojë negociatat me klubin nga Liverpuli.

-Advertisement-

Sky Sport UK shkruan se emrat e tjetë që lidhen me Chelsea janë dy lojtarë që ndodhen në huazim: Ian Maatsen (Coventry) dhe Emerson Palmieri (Lyon). Nëse nuk arrihet akordi me Digne, Chelsea do të urdhërojë rikthimin e njërit prej tyre.