Lajme

Agim Aliu betohet si kryetar i Komunës së Ferizajt edhe për katër vitet e ardhshme

Autori: Gazeta inFokus 13:55 | 01 December 2021

Agim Aliu, është betuar si kryetar i Ferizajt për herën e tretë.

Pas betimit Aliu ka shprehur falënderimin për qytetarët e Ferizajt për besimin e dhënë.

Ai ka përsëritur zotimin për angazhim maksimal të tij në krijimin dhe avancimin e jetës së qytetarëve në këtë komunë.

-Advertisement-

“Të pakompromis e në luftë me të keqen që ka gjetur fundin me ne, mund ta bëjmë meritueshëm Ferizajn ashtu siç thotë zemra e mendja e çdo ferizajasi, ashtu siç shihet në sytë e kujtimet e gjeneratave që hodhën themelet e tij”.

“Ashtu siç një fëmijë që po rritet plot gëzim, ashtu siç të rinjtë, të moshuarit, bashkëvendasit e çdo profesioni duan ta shohin, për veten, për të kaluarën, të tashmen e të ardhmen, për fëmijët e familjet e tyre. E gjithë kjo, për 4 vitet që shkuan, nuk ishte vetëm një detyrë, byrokraci e zakonshme, administrim i përditshëm që lehtë mund të kishte vënë në letargji, shpresat e dëshirat për ndryshim në Ferizaj”.

“Të jesh Kryetar Komune, të jesh i zgjedhuri mes të tjerëve nga bashkëqytetarët, nuk ka të krahasur me asnjë nder si individ, por njëkohshëm, nuk krahasohet fare me asnjë përgjegjësi tjetër, përgjegjësia që merr mbi supe, por që gjithnjë është më e lehtë, kur sa çel derën e zyrës, parim ke ndershmërinë e punën avokat të saj”.

“Natyrshëm, i vetëdijshëm plotësisht e energjiplotë, zgjodhëm të dalim para zgjedhësve faqebardhë, me punën tonë dëshmitare, me transformimin rrënjësor që sytë e të gjithëve panë, me guximin që të bëjmë përpara për Ferizajn, me dashurinë e pasionin e zjarrtë, t’i lëmë brezave që do të vijnë, vepra që do t’i bënin krenarë, me shembullin sesi ndershëm, me moral të lartë, pa frikë nga askush e asgjë”.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy