Hoxhaj: Në Beograd mbahet samit kundër Kosovës, ministria e Jashtme hesht
Autori: Gazeta inFokus 19:41 | 11 October 2021
Ish-ministri i Jashtëm i Kosovës, Enver Hoxhaj ka thënë se derisa në Beograd po mbahet Samiti i të Painkuadruarve, i cili, sipas tij ka për qëllim goditjen e Kosovës, politika e jashtme në Kosovë nuk po ndërmerr asgjë.
Në një shkrim në Facebook, Hoxhaj ka thënë se Serbia sot organizoi Samitin e të Painkuadruarve, mbajtja e të cilit, sipas tij, nuk ka për qëllim të kujtojë e flasë për 60-vjetorin e themelimit të kësaj lëvizje, por sipas Hoxhajt ky samit shpërfaq dy qëllime të politikës së jashtme serbe, të cilat do të promovohen jo vetëm gjatë kohës së mbajtjes së samitit, siç thotë ai, por që do kenë edhe efekte në kohë.
“Qëllimi i parë është të godasë Kosovën në planin ndërkombëtar! Qoftë me tërheqje të njohjeve apo me bllokim të anëtarësimit në organizatat ndërkombëtare! Qëllimi i dytë minimi i vlerave të Perëndimit kudo në botë. Sepse dihet se përmes kësaj lëvizje po përfaqësohen interesat e Rusisë dhe të Kinës, aty ku këto nuk mund ta bëjnë vetë këtë! Meqë çdo lloj shteti, race e feje është mbledhur në Beograd, ndër tjerash kundër Kosovës, politika e jashtme e Kosovës duhet të mbledhë forcën, të paktën të dalë me një qëndrim me shkrim për këtë ngjarje antiperëndimore, në të cilën ministri i jashtëm rus Lavrov është mysafir nderi i Samitit!” ka shkruar tutje Hoxhaj.
Kush kontrollon mendimet e njerëzve, kontrollon veprimet e tyre – kjo vlen edhe për vet shtetet!
Pasi gjatë tërë vitit shiti armë dhe shpërndau vaksina kudo në botë me theks për të goditur Kosovën, Serbia sot organizoi Samitin e të Painkuadruarve! Mbajtja e këtij samiti sot në Beograd, nuk është se ka për qëllim të kujtojë e flasë për 60-vjetorin e themelimit të kësaj lëvizje. Ky samit shpërfaq dy qëllime të politikës së jashtme serbe, të cilat do të promovohen jo vetëm gjatë kohës së mbajtjes së samitit por që do kenë edhe efekte në kohë.
Qëllimi i parë është të godasë Kosovën në planin ndërkombëtar! Qoftë me tërheqje të njohjeve apo me bllokim të anëtarësimit në organizatat ndërkombëtare! Qëllimi i dytë minimi i vlerave të Perëndimit kudo në botë. Sepse dihet se përmes kësaj lëvizje po përfaqësohen interesat e Rusisë dhe të Kinës, aty ku këto nuk mund ta bëjnë vetë këtë!
Meqë çdo lloj shteti, race e feje është mbledhur në Beograd, ndër tjerash kundër Kosovës, politika e jashtme e Kosovës duhet të mbledhë forcën, të paktën të dalë me një qëndrim me shkrim për këtë ngjarje antiperëndimore, në të cilën ministri i jashtëm rus Lavrov është mysafir nderi i Samitit!
Të paktën të bënte edhe ndonjë lajm në mediat ndërkombëtare, të tregojë që Kosova ka një politikë të jashtme parimore dhe properëndimore. Ose t’iu dërgonte ndonjë pozicion të shkruar dhe zyrtar këtyre vendeve që kanë shkuar sot në Beograd dhe t’ua bëjë me dije se çka është Kosova në vitin 2021! Por as njëra dhe as tjetra nuk ka ndodhur!
Por një gjë dihet: “kush kontrollon mendimet e njerëzve, kontrollon veprimet e tyre,” dhe kjo vlen edhe për vet shtetet!
Nëse nuk kanë dije, përvojë dhe vullnet për suksese të tjera, të reja, në politikë të jashtme, të paktën duhet të mbrojnë të arriturat e shtetit të Kosovës në kohën kur Serbia dëshiron t’i rrënojë ato. Çfarë është ky vetizolim krenar dhe i vet imponuar, ku politika e jashtme e Kosovës nuk ka guxim as për t’u përballur me “farsat” dhe “truket” e Serbisë!
Të tjera
-
Nis dëshminë dëshmitari i 62-të, Prokuroria pretendon se ai u arrestua dhe u rrah nga ushtarët e UÇK-së
Në Dhomat e Specializuara të Kosovës (DhSK) në Hagë ka filluar dëshminë dëshm...
-
Tentim vrἀsja në Gjakovë ku u lënduἀn pesë persona, Policia jep detaje
Policia e Kosovës ka njoftuar për një tentim vrasje në Gjakovë. Sipas poli...
-
Pas një mosmarrëveshje për një kontest pronësor, katër persona sulmojnë dy të tjerë në Podujevë
Policia ka njoftuar se katër persona janë arrestuar pasi i kanë sulmuar fizik...
-
Dhuna në familje: Nëntë raste vetëm në 24 orët e fundit
Policia e Kosovës ka bërë të ditur se në 24 orët e fundit janë raportuar disa...
-
Presidenti i Kinës nis vizitën dy ditore në Serbi
Presidenti i Kinës Xi Jinping ka nisur një vizitë zyrtare dyditore në Serbi m...
-
Publikohet fotografia e veçantë: Ibrahim Rugova i përkulur para varrit të Fehmi Aganit
Esat Geci, vëllai i Gani Gecit, ka postuar një fotografi ku shihet ish presid...
-
Ministria e Brendshme merr një vendim për patentëshoferët ilegalë serbë
Ministria e Punëve të Brendshme ka nxjerrë vendimin që mundëson kalimin nga p...
-
Lajçak takohet ne Washington me Escobarin: Patëm një takim konstruktiv
Emisari i Bashkimit Evropian pwr dialogun, Miroslav Lajçak, ka njoftuar se ka...
-
Kurti plot lëvdata për punën e Bashkim Jasharit në krye të FSK-së
Kryeministri i Kosovës, Albin Kurti ka zhvilluar një takim me komandantin e F...
-
Gërvalla: Paqja në Evropë sigurohet duke ndalur Rusinë dhe Serbinë
Ministrja e Punëve të Jashtme e Kosovës, Donika Gërvalla në panelin e parë të...
-
Organizohet një aktivitet në mbrojtje të Parkut Kombëtar të Sharrit
Organizatat EcoZ, Riverwatch dhe Save the Blue Heart of Europe organizojnë so...
-
Mblidhen pesë komisione parlamentare sot
Sot do të jetë një ditë e ngjeshur për komisionet parlamentare, pasi që paras...