Si i “zhduku” Hekuran Murati 24 mijë persona nga tregu i punës
Autori: Gazeta inFokus 16:25 | 05 October 2021
Nga dhjetori i vitit të kaluar e deri në mars të këtij viti mbi 11 mijë persona kanë humbur vendet e punës.
Ndërkaq, numri i atyre që kanë humbur shpresat se mund të gjejnë punë në Kosovë është rritur, shkruan Gazeta Infokus.
Kjo po shihet si arritur e madhe për uljen e papunësisë nga Qeveria e Kosovës e udhëhequr nga Albin Kurti.
Madje ministri i Finacave, Hekuran Murati pati deklaruar se brenda një viti janë punësuar mbi 22 mijë persona.
Së fundmi, Agjencia e Statistikave të Kosovës ka publikuar statistikat për tregun e punës për tremujorin e parë të këtij viti ku thuhet se është ulur papunësia në 25.8 për qind.
Por, e gjitha duket të jetë situatë reale vetëm në letër pasi të dhënat e të njëjtit institucion tregojnë për situatë të rëndë me punësimin në vend.
Madje, statistikat e papunësisë dhe punësimit, të prodhuara nga Agjencia e Statistikave, kanë ngjallur debat në mesin e ekonomistëve dhe personave që i përcjellin nga afër zhvillimet në ekonomi, shkruan Gazeta Infokus.
Sipas tyre, ASK po përdoret nga qeveritë në vazhdimësi për manipulim me shifra të papunësisë. Kryesisht duke hequr nga tregu qytetarët aktiv dhe duke i futur në kategorinë e atyre jo aktiv.
Kjo duket të ketë ndodhur edhe në raportimin e fundit të ASK-së.
Nga 507826 qytetarë sa ishin aktiv dhe kërkonin punë në fund të dhjetorit të vitit të kaluar, në periudhën janar-mars 2021, ky numër ka rënë në 483823 qytetarë.
Që i bie se 24003 qytetarë në bazë të statistikave nuk janë duke kërkuar punë dhe automatikisht kalojnë në kategorinë jo aktive.
Personat joaktivë konsiderohen edhe ata që nuk janë të punësuar dhe që nuk kanë qenë aktivë në kërkim të punësimit gjatë katër javëve të kaluara dhe/ose nuk janë të gatshëm të fillojnë punë brenda dy javësh.
E kjo kategori është rritur, shkruan Gazeta Infokus.
Nga 720382 persona sa ishin jo aktiv në dhjetor të vitit të kaluar, në fillim të këtij viti janë shtuar edhe 21524 persona.
Kështu, shkalla e jo aktivitetit ka shkuar në 60.5 për qind nga 58.7 për qind.
Gazeta Infokus ka krahasuar të dhënat e tremujorit të fundit të vitit të kaluar, duke marrë muajin dhjetor si referencë, me të dhënat e publikuara nga ASK për tremujorin e parë të këtij viti.
Këtu shihet se edhe numri i të punësuarve gjatë kësaj periudhe ka rënë.
Nga 370 897 persona sa ishin të punësuar në dhjetor, në periudhën kur raportohet për rënie të papunësisë ka rënie të punësimit për 11,730 persona./Gazeta Infokus/
Të tjera
-
Policia e Kosovës gjen dy kamera të cilat i kishin vendosur kotrabanduesit në rrugët malore
Njësia e TASK FORC-ës-Lindje (e përbërë nga Policia dhe Dogana e Kosovës), pa...
-
Kosova pa institucion të veçantë për paraburgimin e personave me çrregullime mendore
Kosova nuk ka institucion të veçantë për paraburgimin e personave me çrregull...
-
Molotov dhe vezë para Bashkisë, protestuesit kërkojnë dorëheqjen e Veliajt
Është përshkallëzuar protesta para Bashkisë së Tiranës gjatë ditës së sotme. ...
-
Një ekip i FSK-së po trajnohen me ushtrinë britanike në Belize, ministri Maqedonci publikon fotografi
Ministri i Mbrojtjes, Ejup Maqedonci, ka publikuar një fotografi të një ekipi...
-
Deklarata e përbashkët kino-franceze mbi situatën e Lindjes së Mesme
Me ftesën e presidentit të Republikës Franceze Emmanuel Macron, presidenti i ...
-
Anëtarësimi në Këshillin e Evropës, Tahiri: Qeveria duhet të jetë e mençur
Ish-zëvendëskryeministrja e Kosovës, Edita Tahiri, ka komentuar zhvillimet rr...
-
Anëtarëve joprokurorë të KPK-së do t’u takojë paga e prokurorit të Krimeve të Rënda
Më 6 vota për, 3 abstenime dhe asnjë kundër Këshilli Prokurorial i Kosovës (K...
-
Gjilanasi gjobitet me 500 euro dhe i konfiskohet vetura për shkelje të rregullave të trafikut
Policia e Kosovës në Gjilan gjatë një kontrolli rutinë bazuar në ligjin e ri ...
-
Trἀgjedia në Shkodër, gjendet edhe trupi i djalit 3 vjeç në lumin Buna
Pas shumë kërkimesh është gjetur edhe trupi i djalit 3-vjeçar i familjes Arra...
-
BE-ja miraton programin 6 miliardësh për Ballkanin Perëndimor, Kosova dhe Serbia kushtëzohen me “rezultate në normalizim”
Vendet e Bashkimit Evropian kanë miratuar një program në vlerë 6 miliardë eur...
-
Kryeministri Kurti: Krimet e Serbisë janë të dëshmuara dhe do të adresohen para drejtësisë
Kryeministri i Kosovës, Albin Kurti, ka kujtuar dëshmorët që ranë 25 vjet më ...
-
Policia në Pejë sekuestron 40 motoçikleta
Drejtoria Rajonale e Policisё nё Pejё, ka hartuar planin operativ “Motoçiklis...