Gjatë fundit të muajit gusht dhe në muajin shtator u shënua një numër i madh i rasteve të vdekjes nga koronavirusi.

Me datën 29 gusht u shënua shifra rekord i të vdekurve brenda 24 orëve. Ishin gjithsej 36 viktima.

Por kishte dyshime se ky numër mund të jetë edhe më i madh, por ai po fshihet nga Institucionet.

-Advertisement-

Kryetari i Komunës së Gjakovës, Ardian Gjini dhe ai i Vushtrrisë kanë deklaruar publikisht se kanë dyshimet e tyre se këto të dhëna po fshihen.

Por, askush nga institucionet e drejtësisë nuk janë marrë me vërtetësinë e këtyre deklaratave, edhe pse Tahiri është shprehur i gatshëm të bashkëpunoj.

“Atë deklaratë që e kam dhënë, qëndrojë prapa saj dhe në çdo kohë jam i gatshëm të dëshmojë”, theksoi Tahiri. Por a e ka kontaktuar dikush nga institucionet e drejtësisë? “Askush”, theksoi ai.

“I qëndroj asaj deklarate që e kam dhënë, kam fakte, kam emra”, theksoi Tahiri. “Ne që tre vjet paguajmë shërbimet e varrimit për qytetarët e Vushtrrisë dhe kemi statistika të sakta të numrit të vdekjeve vit për vit. Rritja e numrit të vdekjeve në Vushtrri në dy vitet e fundit është 40 për qind më shumë sesa mesatarja e 10 viteve të fundit. Këto të dhëna i kemi edhe me Bashkësinë Islame sepse ata i kanë të dhënat e 10 vjetëve të fundit”, thotë Tahiri në Frontal në T7.

Gazeta Infokus ka tri ditë që ka provuar të kontaktoj nga Prokuroria nëse kanë hapur ndonjë rast, por nga këta të fundit nuk ka marrë ndonjë përgjigje.

Edhe kryetari i Gjakovës, Ardian Gjini ka shpreh dyshime se po fshehën rastet e vdekjeve nga Covid-19,, shkruan Gazeta Infokus.

Gjini thotë se rastet e vdekjeve qëllimisht janë shtyrë për disa ditë, por sipas tij tashmë që janë grumbulluar vdekjet “gënjeshtrat dolën në shesh”.

“E dinim se rastet e vdekjeve nuk raportoheshin saktë. Numri i vërtetë nuk është raportuar, duke i shtyre raportimet për disa ditë, ndërsa tani kur rastet janë grumbulluar, dalin shifrat në shesh.

Shumica prej nesh jemi kursyer nga komentet, vetëm për të mos e politizuar tragjedinë që na ka kapluar, por qeveria po bën politikë. Shumë keq!”, pati thënë Ardian Gjini. /Gazeta Infokus/

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-