Lajme

Cilët zyrtarë të Ministrisë së Drejtësisë pritet t’i vizitojnë liderët e UÇK-së në Hagë?

Autori: Gazeta inFokus 22:47 | 15 September 2021

Një delegacion prej tre zyrtarëve të Ministrisë së Drejtësisë pritet ta vizitojë Qendrën e Paraburgimit në Hagë javën tjetër.

Nga 15 korriku ish-liderët e Ushtrisë Çlirimtare të Kosovës presin vizitorë nga Kosova.

Këta vizitohen në baza mujore nga tre familjarë të tyre, vizitë kjo që zgjatë tre ditë.

-Advertisement-

Të gjitha shpenzimet e tyre mbulohen nga Ministria e Drejtësisë në Kosovë.

Prej gjithë të paraburgosurve, katër familje janë që udhëtojnë më së shpeshti ndërsa familjarët e ngushtë janë vizitorët e rregullt.

Përveç familjarëve, këtë muaj të paraburgosurit në Hagë pritet që t’i vizitojnë edhe zyrtarët e Ministrisë së Drejtësisë.

Kjo vizitë realizohet pas disa kërkesave që ka bërë ky dikaster drejtuar Dhomave të Specializuara për t’i vizituar të paraburgosurit në Hagë.

Por kush do të jetë pjesë e këtij ekipi?

Qëllimi i kësaj vizite është që të vizitohen të gjithë të paraburgosurit pa dallim, ndërsa do të ketë takime edhe me zyrtarët e Qendrës së Paraburgimit.

Nga Ministria e Drejtësisë kanë treguar edhe kërkesat e tyre karshi kësaj qendre, ku lehtësimi i udhëtimit të familjarëve do të jetë ajo kryesorja.

Subscribe në YouTube: GAZETA INFOKUSI
Etiketa:
BKT Kosova hap degën më te re në qytetin e Suharekës
-Advertisement-

Të tjera

Fokusi

lajme