COVID-19 mund të qëndrojë në peniset e burrave për gjashtë muaj pas infektimit dhe mund të rrisë rrezikun e impotencës, kanë paralajmëruar ekspertët.

Virusi di të sulmojë mushkëritë, si rezultat i ngushtimit të enëve të gjakut.

Ky është i njohur si mosfunksionim endotelial kur enët e vogla të gjakut nuk arrijnë të kryejë normalisht të gjitha funksionet e tij.

-Advertisement-

Indet e furnizuara nga ato mund të pësojnë dëmtime dhe ekspertët në Miami tani kanë pohuar se ky dëm shkon përtej mushkërive.

Autori i studimit, Ranjith Ramasamy, profesor i asociuar, tha: “Hulumtimi ynë tregon se Covid-19 mund të shkaktojë mosfunksionim të gjerë endotelial në sistemin e organeve përtej mushkërive dhe veshkave. Mosfunksionimi themelor i endotelit që ndodh për shkak të Covid-19 mund të hyjë në qelizat endoteliale dhe të prekë shumë organe, përfshirë penisin.”

Ekspertët morën në analizë indet nga dy burra të infektuar me COVID-19 dhe dy burra që nuk ishin infektuar.

Njëri nga burrat që kishte dalë pozitiv ishte shtruar në spital dhe tjetri kishte përjetuar simptoma të lehta.

Pacientët ishin të moshës 65 dhe 71 vjeç dhe ishin infektuar me virusin gjashtë dhe tetë muaj para studimit.

Ekspertët zbuluan se virusi ishte i pranishëm në indet e të dy burrave që ishin infektuar dhe të dy burrat kishin prova të mosfunksionimit të endotelit. Kurse dy burrat që nuk ishin infektuar, jo.

Dr Ramasamy tha se këto zbulime të fundit çimentojnë faktin se të gjithë duhet të bëjmë atë që mundemi në mënyrë që të parandalojmë përhapjen e virusit.

“Burrat që zhvillojnë infeksionin Covid-19 duhet të jenë të vetëdijshëm se impotenca mund të jetë një efekt negativ i virusit dhe ata duhet të shkojnë te një mjek nëse zhvillojnë simptoma”, shtoi ai.

Ekspertët theksuan se ky studim mund të jetë hapi i parë për të kuptuar ndikimin e mundshëm të virusit në pjellorinë mashkullore dhe nëse Covid-19 mund të transmetohet seksualisht.

Vitin e kaluar ekspertët paralajmëruan se kishte pasur një rritje të burrave që vuanin nga impotenca, por pretenduan se kjo mund të ketë qenë për shkak të stresit të pandemisë.

Comodita Home rikthen “Garage Sale” për edicionin e tetë, me zbritje deri në 70%

Sponsoruar

-Advertisement-